AR sawn aia pawimawh zawk

Tun lai chu Aizawl khawpui chhung aṭanga Assam Rifles sawn chhuah chungchang a rawn ri leh deuh hluai a, kum 2023 hi inthlan kum a ni tih i theih­nghilh lovang u.

MNF leh Cong­ress, BJP leh AAP, ZPM leh eng Party pawh sorkar se eng tikah emaw chuan AR hi Zokhawsangah an la chhuak dawn tho tho a ni. Tute emaw sorkar laia chhuak an nih avang khan an sawn chhuah ni lovin sorkar laipui sawn chhuah a ni dawn tho tho a, chumi aia a let tam taka pawimawh hmasa zawk chu Mizorama smuggling leh ruihhlo hi engtin nge kan tih reh tak ang? tih hi a ni zawk.

Aizawl khawpuiah hian drugs hi a hluar a, khaw en lai pawhin a duh chuan drugs an lei ngam. Kan kawngpui lun laiah pawh drugs an zuar ngam a, hei hi vei lova kum 2019-a ziaka awm tawh sa, AR sawn chhuah leh chhuah loh vei tawk politician, AR insawn ring leh ring lo journalist, AR hmanga hamṭhatna lak tum Minister leh MLA, AR hmanga sorkar beih tum opposition tih te kan la awm nawk hi chuan Zoramah khua a var dawn miah lo a ni.

AR hi Mizoram ramri duty an ni tih i hre reng ang u. Myanmar lam ramri vengtu chu AR ho hi an ni a, an veng ṭha lo a ni tih kan hmu reng bawk a nih hi. Ruihhlo a tam si, kuhva smuggling khati zozai free taka a kal reng lai khan eng vangin nge kan police leh AR lamin an man loha an chhuah hum hum? tih zawhna te mai pawh hi lo chhang ve ta che.

Tichuan AR hi an insawn emaw insawn lo emaw Myanmar ramri hi veng ṭha ve deuh se. Ruihhlo hluar lutuk veng tur te hian ṭang ve eih rawh se. AR insawn chhuak tura nawr sek sektute hian hnathawk ṭha tur te hian nawr zawk ve zawk rawh se.

Myanmar ramri aṭanga ruihhlo leh smuggling hluar hi tih tawp a ngai a ni. AR kan sawi chuan he lam zawk hi man thiam ila, i sawi bawk ṭhin ang u.

- VL Remsiama