PADMA AWARD CHUNGCHANG....

Zoram mipuiten Padma Award dinhmun kan hriatthiam theih nan han sawi fiah deuh ila. Mizo ṭawnga kan sawi dan ber chu India ram Civil Chawimawina sang tiin sawi a ni ṭhin.

Zofate hi talent ṭha tak tak nei kan ni a, chu chu a hlutna kan hriat zau zel pawh a pawimawh awm e. Padma Award hi kum 2023 thleng khan Mizo zingah mi 30-in an dawng tawh a, hei hian Mizoram min tihming ṭha a, Mizo hnam min timawi ti ila a sual awm lo ve. Tun hnu zelah pawh talent nei ṭha tak takten India ram Civil Chawimawina Sang hi an dawn zel theih nan a awmzia han sawi fiah ila.

Padma Award hi chi thum a awm a. Pakhatna chu Padma Vibhushan, Pahnihna chu Padma Bhushan leh Pathumna chu Padma Shri tihte hi a ni. Mizo zingah Padma Bhushan dawng hi pakhat chauh, L.Z. Sailo hi kan la nei a, a dang zawng chu Padma Shri vek a ni. Padma Vibhushan chu Mizo zingah dawng an la awm lo. Tichuan, Padma Shri Zofaten an dawnna tehfung leh an dawn kum chu han tarlang ila:-

Heng zinga 15 hian mual min liam san tawh a, 15 chu an la dam rih a ni.

Heng India ram Civil Chawimawina sang dawngte hi State chuan an ngaisangin an lawmpui hle hlawm a. State ṭhenkhatah chuan hengte hi an lawmpui nan an tihsak a ni: Facility an pekte chu –

1. M.R. Bill
2. Ration Card Free
3. Electric Bill Connection Free
4. Gas Free
5. I.D. Card neihtir
6. Telephone Bill Free
7. Water Connection Free

Heng bakah hian chhiat tawh niah Rs 4000/- an pe.

Hengte hi State-ah chuan Ruling Party-in an tih chuan tih a ni mai a, an tih loh chuan tih loh a ni mai. Padma Award dawn theihna chu heng talent-ahte hian a ni: Art, Public Affairs, Science & Engineer, Social Work, Trade & Industry, Litterature & Education, Civil Service, Medicine leh Sport-ah te hian a ni.

Hengte hi Mizo fa talent nei ṭha tak takten an talent hman zahpui lo leh ram leh hnam tan a hlutzia kan hriat theih nan kan han tar lang a ni e.

- Dr Lalzuia Colney