"ZPM PAWH KAN HRIAT SA; MNF NEN AN DANGLAM LO" : RUATKIMA

MNF sawkara Minister pakhat chuan, ‘ZPM pawh kan hriat sa; MNF nen an danglam lo,’ a ti a. Anmahni aiin an ṭha bik lova, an chhe bik bawk lo a tihna niawm tak a ni a. Tuna kan sawrkar hrawn mek MNF sawrkara thil thleng ṭhin langsar zual deuhte chu hengte hi an ni a. Eng sawrkar pawh nei ila, hetiang bak hi kan ni dawn lo a tihna chu a ni ber mai a. Kan Zoram chu engtin nge a kal zel dawn le?

1. Hotu lû berten dan bawhchhia-a a thawk tur hre sa-a Restricted Tender-a hna pek chamchi.

2. Dan lova thiltih, a tam tak em vanga dan zawk emaw tih takna.

3. Registered contractor hming hawha hralh tura contract chhanna.

4. MLA 12-in dan a kalh ti-a an MLA-pui pakhat an heka Speaker-in a ban a; chutiang dan kalh an tih ang thova MLA dang awm, hek leh si lova, ban pawh nih tak lohna.

5. Ram tana hna pawimawh thawh aia thil ho te te-a khuallian tih angrenga hruaitu liante inlarna.

6. Airport siamṭhat Work order chhuah hma thla 5 vela hnathawh ṭanna chhiat lutuk vanga Slab chim.

7. Sikul repair-naa hming chhiatna.

8. Hnathawh tam tak chhe em em. Khawtlang mipui phunna mai pawh ni lo, khawtlangin an tihchhiat ngai hial. Kawngpui chhia pawh telin.

9. Minister pakhatin nuthlawi pakhat a date-na niawm tak 1:45 ngawihsan hmak.

10. Board ṭul lo tak, MSSSB dina MPSC aṭanga fair taka lak ṭhin group B officer pawhthlak.

11. Dan nasa taka bawhchhiaa Kuhva tawlh rûk.

12. Lungleia RT-PCR dah mai duh loh.

13. Mirethei in sakna leh tar penson leh health care bill tang fo.

14. Sawkar hnathawk hlawh leh penson a hun taka pe thei lo.

15. Leiba tam berna.

16. Dawtsawi ‘culture’ parvulna.

17. Ti ang tih, a tak hmuh tur awm lo.

- M Lalmanzuala