Party ṭhenkhatah ṭhalaite an beidawng?

Tunlai Social Me­dia thu inchuh chu ṭhalai beidawn leh beidawn loh thu a ni.

Mizo ṭhalaite hi beidawng tawh, miin beidawng tura an fuihpawrh mêk leh negativity in a bawm khah lûk angin an puh. A puhtute hi Assam leh Manipur lama min ertute leh Bangladesh leh Myanmar aṭanga min beitute ni lovin kan Ruling Party an ni hi a beidawn thlak ve thlawt a ni.

Mizo ṭhalaite hi kan awm mai mai hi kan beidawng miah lo. Mizo ṭhalaite hian future kan nei tih kan hria. Mizo ṭhalai zingah a rui tawk an awm pawhin a rui lo hi kan la tam zawk. Mizo ṭhalaite hian beidawn tawhna kan nei a, chu kan beidawnna chu 1987 a Statehood kan neih hnua kan ram inenkawl danah hian a ni. Hei hian kan bei a ti dawng a ni.

Ṭhalaite hian mimal hian Party mi a nih vangin kan haw lo. Chu mimal chuan a tih ṭhat loh chuan kan hua a, social media ah te kan bei chauh zawk a ni. Bei tur hian tu fuihpawrh mah kan ngai lo.

ZPM hi fuihpawrh­tu angin an puh a, ZPM fuihpawrh theih pawh kan ni lo. Mizo ṭhalaite hi kan ZPM bawk lo bawk. Kan State nih hnua min enkawltu MNF leh Congress kal danah hian kan bei a dawng a, ZPM hian min hruai ṭha thei dah law maw? kan ti mai mai a ni. A ZPM hi kan va duh over uchuak lo.

ZPM pawh hi sorkar se MNF leh Congress ang tho an nih chuan kan beidawn san leh mai dâwn a ni. Social Media hi control theih a ni lo. Ruling Party an bei nasa a nih chuan tu fuihpawrh mah an ni lo, Ruling Party ah ṭhalaite an beidawng tihna a ni.

Ruling Party mi leh sâ pawhin Social Media an khawih ve tho. Midang pawh an attack nasa over. An politics Social Media platform Facebook Group ho phei chu ṭhalai pangngai chin tumah an participate fuh lo. Hetah hian Ruling Party Workers hi an che over zawk.

An beih ang level a beih let an nihin "Opposition in beidawng turin ṭhalai an fuihpawrh" tih ṭawngkam a lo chhuak ta a, hei hi chu Ruling Party tán mahni thlan laihna a ni. Ṭhalaite hi ZPM fuihpawrh phak pawh kan ni lo.

ZPM hi kan lo beidawn tawhna Party pahnih ang hi an ni nge ni lo tih fiah kan duh a ni. Hei hi lo hria se, tu emaw fuihpawrh vanga beidawng kan ni lova beidawn tawhna kan nei a ni. Hei hi chu a Party hian an in hre chiang tawh ang.

- Lalmuanpuia