Khawtlang hmangaihtu nih a tawk mai

Ruling nge nge tih fo hi mipui rilru (moral) tih chhiat tumna a ang ka ti ṭhin.... ruling ngai reng reng lo party aṭangin term 4 ka tling tawh, tichuan, term 3 ka VCP a, khawtlang hian neitu thinlung leh hmangaihtu a nia a mamawh zawk chu... 

Hetia eng eng emaw thei fal fahran anga kan in thlem chiam chiamna moral hi a zahthlak ka ti. Tih êm-ah chuan zan khaw tai rek reka vantlang tâna kan men a, kan chhuah a, kan tih ṭhin lai khan Ruling party nih a ṭulna reng reng ka hre lo; khawtlang thil a court a kal a ngaih lai te khan ruling nih a ngaih reng reng ka hre lo. 

Ṭhenawm ramri buai chingfel tur te khan ruling nih a ngaihna reng reng ka hre ngai lo. 

Kawng kan siam mup mup lai te khan ruling nih a ngai em emin ka hre lo. Mi thurochhiah kan kawl lai te khan ruling nih a ngaihna reng reng ka hre bawk hek lo.

Zirlaiten VCP/LC Chairman te signature an mamawh lai te khan ruling nge nge nih a ṭulna pawh ka hre lo, residential certificate an mamawh lai te khan ruling a ṭulna ka hre hauh lo mai. 

MLA mahni bial a vantlang thlan tho, democracy hmanga thlan tlinte tiduhdah tur khawpa mawl MLA ka nei a nih chuan le thudang ni teh se.... mipui mamawh lem loh thilah kan inzuar nasa mah mah ṭhinin ka hria. 

Kan VCP lai khan Minister ka hmuh hreh pawh ka hre lo e. 

Ruling avanga an dik phah pawh ka hre lem lo, ṭhenkhat phei hi chu.... hna zawn nan mipui hi an hmang mai mai fo, a thim a vâr thlu lova mahni ṭhenawm khawveng leh rah beh deuh chhungkaw tana  ruling VC/ LC vak ta vak ai chuan hna zawnga vak an tam daih zawk fo. 

I ngaihtuah chiang teh ang u khai.