MLA-ah Moral lam i en ang u

Pathian thu leh Politics hi a kal kawp lo ti ṭhin mah ila, kan sawi pawlh tho avang hian "Ram chu Lalpa ta a ni" kan tihte leh kan Politician nungchang hi a inzawm tur a ni. Candidate set tur hi en chiang ila, 'Moral' pawimawh zia hi Party tin hian hria se, kum 2023 inthlanah hi chuan a neinung, a challang, a thiamna sang, a hawi zau tihte hi dah sang ber lo se, 'Moral' hi en ni rawh se.

April 28, 2021 ah daih tawh khan Vanglaini ah hian ka lo ziak tawh a, Bill Clinton leh Monica Lewinsky chungchang thu avanga US mipuite thikthu chhiatzia ka lo ziak tawh a nih kha. Chu ka thuziakah chuan a tlangkawmnaah, "Monica Lewinsky kha kan en hian Mizoram hian zir tur kan nei a, kohhran an ngawih pawhin an rorelna in sang kha an ngawi mai mai lo tih history enin a hriat theih a ni," ka lo ti tawh a, heta ka sawi chu President Clinton kha Lewinsky laka a chet mawi loh avangin House of representative khan an lo impeach tawh a ni.

Mizoram hian kan ram hruaitu kan thlang dawn a, hruaitu hi i duhtui tawh ang u. US mipui thiangzau leh serh leh sang nei lo kan tih zawk te pawhin ram hruaitu an lo duh tui em em a, Lewinsky avanga hmingchhia chu President atan an duh lo a, an party pawh hnawlin an awm zui phah a ni si a. Mizoram party hrang hrang hian kan MLA Candidate tur en hian Mizo Clinton leh Mizo Lewinsky ang boruak awm tawh chu paih ngam ni se rorelna in thianghlim din ila, Lalpa malsawm rim nam kan nih a ngai a ni, Kristian ram kan nih angin Moral lam i en ang u.

Politician nih chuan engkim thiang anga ngaihna a awm ṭhin a, mahse hei hi chu kan kal pel tawh tur a ni. Politician chu chakin bial tan zei eng eng pawh ni ta se, Politician nun thlahdah tak, Moral chhe em em mai, sum leh sex lama fihlim lo, zu lama nawm chen ching an nih chuan ramin a tuar dawn tho. Moral tlachhia hian min nghawng chhe ber a ni.

- John Lalthansanga Hmar