Political Party insiksawi nghawng

Congress Party Treasurer Pu Zodintluanga'n banna a theh luh chungchang titi tam tak zingah WhatsApp Group pakhata thil hre tak takte titi aṭanga idea nei chawpin mahni ngaihdan nen ka rawn sawi pawlh dawn a, a hua hua chu in ni mai, an tih kha!

Congress hi Pu Lalthanhawla chawlh hnu khan ngai an awh thei tawh lo va, Pu Hawla chawlh chhan kha ama'n a duh vang renga chawl ni lovin, a hun hmaa ûm chhuah a ni. Pu Hawla khan chawlh a puang a ni lo va, Congress hruaitu zingah an come back theih dan chu Clean Image an insiam chawp chauhin a ni tih hre chiangtuten kum 80 chuang tawh Pu Hawla kha an mawhpuh ta a, a chhia zawng zawng phurtu (Scape Goat) ah an puh a, Pu Sawta a lo President ta a ni an ti.

Pu Sawta hi pa inngaitlawm tak a ni a, President nih pawh hi a tum ngai lem lo va, mahse, amah lo chu Party mi leh sa vuivai phuarkhawm theitu an inhmu si lo va, phur vak lovin a President ta a ni. President a nih tirh aṭangin thu ṭha tak tak a sawi a, Congress thar siam a tum a, mahsela, Congress Thar siam hi Congress Hlui kha thil chhe tak anga lantirna a ni si a, Pu Hawla chu a chhia a, Pu Sawta chu a ṭha anga a lan chiah hian Pu Zodintluanga te lam hi an hmin lo an ti. Hei mai bakah hian han ti ta zel ila, Pu Sawta hian MLA Candidate aṭanga drop a tumte hian Pu Sawta an nei zui chat zel an ti.

Party insiksawi hi a awm ṭhin a, MNF pawhin an tlin hlimah Vice President Pu Tlanghming-thanga leh Dr R Lalthangliana an han bàn pawp mai a, an lo inban hmiah hmiah tawh a, hemi nghawng hi chu MNF hian an tuar a, chu chu mi pakhat vawk lal lenna Party a lo ni ta a, a buai zo ta a ni. Political Party hruaitu inthlak hi thil harsa tak a ni, Party kal zel dan a nghawng na hle a ni.

- MS Dawngliana