Pipute nun hlu lo thar se

Pipute nun hlu, ṭhangthar Zofate chhawm tur pawimawhte chu chanchin ṭha a lo luh khan hnuchhawnsan an ni a, a ]hente chu kan kristianna nena inkalh chuang lote an ni hlawm. Pipute nun thianghlim, ruih theih thil, zuk leh hmuamin a tihbuai ve phak loh, thawkrim bur mai, sum leh pai duhamna, mahni hmasialna chaponaten a chim buai phak loh pi pute nun leh an len lai nite kha tawn ve a va chakawm ṭhin em! Kan tunlai nun hi rawn hmu chu ni se, an rilru a na vawng vawngin a rinawm.

Pipute culture leh nun dan zahpui lo va, an nuna chhawm nasa hnam chu ram hmasawn leh changkang an ni zawk ṭhin. Mi hnam nun kan entawnin kan lalut nasa a, hei hian kan hnam nun culture aṭangin min pen botir a, kan tunlai nun hian kan pipute nun zemawi kha a hliahkhuh zo ta. Zoram tharah chuan hengte hi chhawm chi an ni lo vang. Hnam dang tih dan kan lak nasat chuan Israel faten sebawng no an biak lai ang mai khan LALPA kan chungah a lungawi lo vang tih ring ila, suahsualna chi tinreng lo luhna, bu a khuarna hmunah hian thil ṭha tituten thil ṭha an tih char char laiin, thil ṭha lo tituten Zoram hmel an tibàl a, hnam dangten min dah sang thei lo.

Zawi muangin dawhtheihna nen ṭhahnemngai takin ṭhalaite nun kal dik lo chu hruai ngil an ṭul a. Hnam dang tih dan hmangin Zoram thar chu thlentir lo ila, kan pipute nun hlute chu tung ding leh ila, chumi hmang chuan Zoram thar din a ṭul ta hle mai.

Ṭhenkhatten one India, one Religion, one language an kalpui mup mup lai hian, keini pawhin one Mizoram tiin Mizo culture, mizo ṭawng, Mizo Kristianna nen pipute nun hlu hmangin insuihkhawm thar leh a hun ta hle mai.

“Aw Zoram harh la, i tlai luat hmain kan pipute nun hlu i din thar ang.”

H. Neihchungnunga, Durtlang North