Party 3 fimkhurna tur

Kumin chu inthlan kum tih takah Politics hlir kan chhiar a ni a, WhatsApp leh Facebook phei chu Politics thu in a khat. He Politics kan sawi hian Party Politics bak hi Mizote hi chuan kan la kal pel phak lo. Chuvangin party 3 fimkhurna tur kan chhawp chhuak dawn a ni.

1. MNF leh Sum:

MNF hian Mizoram Nationalism pawh sawi ngam tawh lo tur khawpa hnam dang Contractor an vulh len avangin an dinhmun a hniam phah a, sum atchilh avangin an tlahniam mek a ni. MNF sum atchilh chhan chu Chief Minister ber hian Sum nena sawi zawm tlat Minister a kawp tlat vang a ni. Vangvat kai aia tlatlum zawk leh MNF lo chhuah hlima mi thiam an hip luh Politician Senior aia langsar Minister Junior avangin MNF an tlahniam mek a ni.

MNF President Pu Zoramthanga thusawi Hnam Runa pawisa hmanga tlin an tum thu lo viral khan rilru a tithlep hnawp a ni. SASCI sum hmanga campaign a tum ṭhu public hmaah a sawi a, SASCI sum hi mimal leh Party pawisa a ni lo a, Mizoram mipui pawisa Mizoram sorkar (MNF sorkar ni lo) in a puk a ni zawk a, kum 50 chhunga rulh tur a ni. He pawisa hi hmachhuana Election hi an hmachhawn chuan an tla ang. SEDP hmanga chet nat an tum thu Pu Zoramthanga khan a sawi tel a, SEDP Nuai 3 tiam chunga Rs. 25000 den den sem hi chu a thawk na lo ang. MNF hian pawisa hi hmachhuan lo se, Mizo Nationalism nen au leh se an la sorkar theih beisei ka neihpui zawk. MNF hian sum an hmachhuan nasat zia tichiangtu chu Hachhek Bialah Pu Robert Romawia khan sial a zuk talh a, Tuikuk a phurkhawma a zuk tâl nasa a, kha kha Money Power chu a ni. Hei hian bial dang zawnga MNF a tichhe dawn.

MNF Politician dangte pawh in huaisen loh chuan tute emaw invawrh tum luata sum an chelek hian in zavaiin in tuar dawn a nia. Pawisa hmanga Mizo mipui vote lei tumna ualau tak hi bial dangh in hniam phah dâwn. Pastor leh Evengelist rual an au anga Sum hmachhuan hi an duh lo, MNF leh MNF hi in inkhap loh chuan in tlin tum luatah sum hi in tlakpui thei a ni.

2. Congress leh KS Thanga lehkha:

Pu KS Thanga Ex Minister bang in Pu Sawta neihna tih theih a ban chhan sei tak a ziah kha ka lo chhiar chhuak dap a thu dik a nih chuan Pu Sawta hi mipui rin ang a lo ni lo hle a ni. Thudik lo a nih chuan Congress hian Legal Battle ah an hnuh luh a ngai, mipuiin Congress Leadership Crisis hi a nihna an lo hre loa Pu Lal Thanhawla paih dan leh phiar ruk dan Pu KS Thanga ziah kha an rin si chuan Pu Sawta hian Mizoram Politics-ah future a nei lo ka ti phawng mai.

Pu KS Thanga ziah pakhat nangmah dik nia inlantir i tum avangin i thawhpuite zawng zawng insawi fiah i phal lo a tih hi a ril ka ti. Pu Hawla Congress lga Congress chhe tak anga lantir pawi tih lohna hi a selfish a, Mahni President ruala Congress Thar din tum hi Pu Hawla & Co tan chuan pai dam a harsa ang. Pu Hawla kha ama thua chawl ni loa nek chhuah a lo nih tak tak chuan, Congress pa ber kha a chawm a hrai sei len a faten a upat hnu chakna a neih loh ve leh an mihran ta tihna a ni. Pu KS Thanga banna lehkha kha Congress hian an sawi fiah loh chuan Congress tlak chhiat hlenna a ni thei a ni.

Pawisa Nuai 25 phei kha chu thil serious a ni a, Congress in Pu Sawta an zawrh ve chhan kut fai nei an tih ber chu, a lo fai lo ve tawh ṭhin a, a lo sil fai ṭha leh zuk a nih chuan tual that inchhir ang deuhin a inchhir tawhna ni loin a pawi khawih tawhna kha an hre reng tho a ni.

Pu Sawta tlak chham chu Collective Leadership a ni a, pa dik leh corrupt lo nih piah lamah hei hi a zir tel a ngai a, Pu Zodintluanga khan mahni thu thua kal tiin a puh tawh bawk a ni.

3. ZPM leh Lawngtlai East:

ZPM hian boruak nei lian ber anga insawiin kum tawp inthlan hi an zuam zek zek tawh a, chutih laiin Lawngtlai East buaina pawh ching fel ngam lo Leader rual an lo nih lek avangin mipuiin an rorel dan an thlir ta ran a ni. Hun rei tak aṭanga an hual Dr Lorraine Pa ṭha leh fel an neih hnuah lehkha thiam leh thawm na Alinery Lianhlawng a lo lang a, Bial an inchuh chu a nih tak ber hi. A hre chiang intite sawi hi a dik chuan Dr Lorraine hi hun rei tak sorkar ṭha siam tuma lo bei tawh a ni a, Alinery hi sorkar ṭha siam tum ve tho mah se hausakna hmang ṭangkai thiam tak ni bawk a ni.

Kawng leh lama thlirsak chuan ZPM leh Lawngtlai East mipui vanneihna chu a candidate ṭha em em pahnih an nei hi a ni, ZPM hi tlin beiseiawm chu ni lo se an ni pahnih hian Seat an chuh ka ring lo a, Dr Lorraine an tih loha lungawi lo tur leh Alinery an dah loha lungawi lo tur block lian tak awm hi ZPM hian an chinfel theih loh chuan an tan a pawi ang.

Tin, Alinery hi sap pasal nei a nih avang hian lo ei lotu hi an tamsa a, Mizote hi thil danga duhtui mang si lo ram hruaitu kawppui hnam dang nei hi kan lo duhtui hle tih a lo lang a, eiru leh ngaih theih em em laiin hnam dang nupui chu kan duh lo a ni. Lehkha thiam leh a ngaihna hria Alinery hi MLA Candidate a lo ni ta lo a nih pawhin, ZPM hruaitu thu aiin mipui vawm let an hlauh vang a nih ka ring a, candidate chang ta lo zawk tihlungawi dan hi tunah hian ngaihtuah theih a nia, a tlai hmaa an chet loh chuan ZPM boruak tichhetu a chang thei.

- H. Lalchhuanawma