Social media Politics hi a ninawm

Kum 2023 a lo thlen hlim aṭang khan Mizoram Social Media hi Politics khahin a khat a, daily newspaper rintlak ve ber berte pawhin article chhuah tur an hmuh tam awm nen, Politics lam hawi hlir an chhuah bawk a. Kan ram politics vei dan level leh an titi han en hian Zoramah hian khua a var dawn lo tun hnaiah hi chuan.

Facebook lama Politics sawina group lian deuhte chu Policy leh Ideas vel pakhat mah an chai lo va, "Chumi boruak chu a káng hret" tih te, "Chu chu sorkar thei an ni leh tlat mai," tih te, ngialngan taka party dang beihna leh deusawhna lam hawi a tam em em a, a buaipuitu tam ber hi chu lehkhathiam lo han tih em tur ni si lo, poorly educated kan tih ang class hi an ni a, a zahpuiawm ṭhin; an thil post hi.

Facebook lama Politics lam group ṭhenkhat hi chu ram kalsiam nghawng phak lo, thu ho lam tak tak post awmkhawmna a ni. Inhnialna buluk tak tak leh zu rui thu leh hla tih hriat reng rengte a ni a, thu changkang lo ziahkhawmna ni hian a lang. Chutih lai chuan heng group lama thu ziak peih deuh deuhte hi Party ṭhenkhat chuan Lunglei Municipal inthlan leh Zemabawk Local Council inthlante khan campaigner ah hmangin, street campaign ah thu te an sawitir a, kan boruak chaih a la hniam tlang a ni.

Ruling leh Opposition pawh inhnial nileng ringawtin hun an hmang thei a, patling eizawnna mumal lo leh hnathawh mumal nei lo ang mai; nileng lenga Facebook leh Whatsapp group-a an inhnial hmuh hian, hetiang politics hi ṭhangtharte hian kan hne ngawih ngawih ultra pro max.

- Davy Lalhmaa, Bawngkawn