Political game khel thiam lo ZPM

Tunlai chu ZPM hlirin Social Media hi a khat a, ZPM sawiselna a nih loh chuan an fakna lam a tam hle. En reng reng pawha Congress leh MNF ngawih ngawih pawhin ZPM hlir an sawi chhan hi ZPM hian an man lo va, miin pawn aṭangin an chhaih chi-ai thei a, ZPM hian party dang attack lo chhàn lèt hi hna pui berah an nei a, an la puitling lo hni hne hle a ni.

MNF hian ZPM lian chak hi a hlauh avangin ZPM dan theihna tur a zawng a, MNF boruak chauh chuan an hneh thei lo tih an hre si a, Congress lam bei duh miah loin ZPM hlir an beih chhan hi kan man thiam a ngai hle a ni. ZPM an sorkar hi MNF tan thil hlauhawm a nih chhan chu MNF hian opposition nih hi an tlin dawn lo a, ral thei dinhmunah an din avangin Congress beih an duh lo a, ZPM an bei. MNF tan ZPM beih a ṭul chhan dang leh chu Congress an tlak chhiat avang hian an elpui tur chu ZPM an ni tih hi Politics game khel thiam, MNF hian an man a ni.

Congress hi Pu Zodintluanga bang pawh sawi mam thiam an ni a, Politics hi an zei tlat. Chhungkaw boruak nei chhe ber an nih lai pawhin an thup char char thiam a ni. Congress ang hian ZPM hi buai ve phei se chu, an pherh vek thei ang tih tur khawp hian sawisel leh beih an dawl lo a, an chi-ai a ni. Congress hi chu tun hnai inthlan zawng zawngah pathumna ni fai deuh vekin an tla chhe tawh a, thla 5 chhung vel inthlan hma la awmah hian insiam ṭhat ngaihna a awm lo chung hian boruak an siam thiam a ni. ZPM hian Congress aṭangin thil zir thiam ve se, phili luai luai hi chu a naupang chhe zia, Party naupang tih an hriat a ni.

- Lalmuanpuia