HLAWHTLING TURA INTHUNUN

Sap thufing chuan, "Hardwork beats talent" an lo ti a. Hei hi thudik awmsa, universal truth an tih ang hi a ni.

Khawvela mi ropui, mi hlawhtling tak takte hi talent neih ṭhat avang aiin an taimakna, an tumruhna leh an tih hram hramna avanga hlawhtling a, hausate leh khawvel mi hmingthangte an ni hlawm a. Tam tak chuan an hlawhtlinna leh an hausak chauhte kan thlir a, an thawhrimna leh an inpeknate kan ngaihtuah tel tawh si lo va. Ṭhenkhatin anni chu an piannain a zir em a lawm te kan ti thul. Khaw tê reuh tê aṭanga piang leh rethei taka sei lian hi tam tak a awm tih hi kan hriat tel a ṭha.

Mi tin deuhthaw, 99% hi khawvelah hian a ber ni thei deuh vek khawpa talent leh theihna nei ṭha hi kan ni hlawm a. Kan taimakna te, kan tumruhna leh thei ve nia kan inngaih loh vang maia thleng sang lo hi a tam zawk kan ni a. Kan nihna a hran ṭheuh ang hian kan talent pawh a inang lovin a hrang vek a ni.

1. Sports lama mi bik ṭhenkhatte han sawi ila

Basketball-ah:

(a) Kobe Byrant : Khawvel basketball awm chhunga hming Dai tawh ngai lo tur a ni a. Zing tin dar 4 velah thovin basket 2000 a luh hma chu a practice ṭiah ṭiah zel a. A team an chak a, a teammate an lawm a, an party luih luih pawhin ani chuan a lo practice ṭiah ṭiah zel a. Chutiang khawpa taima a nih avang chuan khawvel basketball ah chuan top 3 zingah a tel lo thei lo a ni. Mi competitive tak niin tu mah huphurh leh hlauh hi a nei lo hrim hrim a, a chet ṭhat vak lo ṭum pawhin a theihna lêt a chhuah ṭhin avang hian Mamba Mentality tih hial a lo chhuah phah ta a ni. Michael Jordan prime hnu hreta lut ni mah se, MJ kha NBA player zingah hlau lo an awm lo a. Mahse, Kobe-a kum 18 mi lek khan hlauh a tum lo, a theih tawp a chhuah a, a practice nasain MJ-a style pawh a la hnem khop mai a. Chuvang chuan MJ-a pon a zah em em a,unau ang takin an awm phah ta zawk a ni.

(b)Allen Iverson : Keima mimalah chuan Basketball player ṭha ka tih ber a ni hial awm e. Teammate ṭha leh lar pakhat mah nei miah lo chungin Lakers ṭhat vanglai ber (O Neal ft 7+ leh Kobe 6.6ft awm dun laiin, AI a ft 6 chang chang) a finals thlenpui bakah, Champion lova MVP la thei kha a ni a. Basketball-a khelh hma hian American Football ah pawh an team champion-pui zak zak thei khawpa talent nei ṭha, khawi game ah zawk zawk pawh eizawnna tlaka thiam ve ve a ni.

Mahse, ani erawh chutiang khawpa talent nei ṭha ft 6 chauha sang, Kobe paw'n ft 6.6ft chu ni se kan buai ngawt ang a tih kha a ni a. Amaherawhchu, Kobe Bryant te anga zing hma taka thova practice ṭhin kha a ni ve lo va, a ngai pawimawh fahran bawk lo. Chuti chung chuan khawvel player ṭha top 10 ah an la dah thei a. A thiamzia leh a talent-ah khan a innghat lutuk a, han in-discipline deuh se chuan a ber ni thei tur zinga mi a ni. Tunlai player ṭha MVP ni thei mi 3 pawhin an jersey no. 3 hi AI-a number a nih avangin an hak phah. Chuti tak chuan an ngaisang.

(c) LeBron James : Ani hi rethei taka seilian niin, anu nen awmna mumal nei lo khawpa rethei an ni a. American Football hi khel hmasain a ṭha ṭhin hle a. An coach chuan a inah a nu nen a omtir hial a, kum 14 vel a nih chuan Basketball lamah inletin National-ah players ṭha ber ni tain, NBA-ah a luh hma paw'n Sports magazine hrang hrangah leh, a High school game chu TV-ah live hiala pek chhuak tlakin a thiamin a talented a. NBA a luh don pawhin veteran player Kobe Byrant-a te hial thik khawpin 300million usd contract Nike-in an pe a ni. Player ṭha rei ni turin a taksa chu a in-discipline ṭha em a, a tirah chuan a athletics-na hian a daih rei an ring vak lo a. Mahse, chu an rin lohna chu a ṭha lama hmang ṭangkaiin kum 1-ah hian a taksa enkawl nan 1 million Usd vel a seng a. Chuvangin, kum 20 vel a khelh meuh pawhin NBA player ṭha ber zingah a la thei a nih hi. A talent ai chuan a discipline, a Brute force avang hian a hlawhtling nasa zawk ti ila kan sawi sual lo vang.

2.BOXING

(a) Mike Tyson : Ani pawh Kum 13 a nih aṭangin a khel ṭan a, complex nei nasa lutuk a ni a, mahse boxing coach ṭha ber fuihna leh kaihhhruaina hnuiah awmin a sei lian hlauh a. A khelh ṭan kum 13 a nih hian a height ft 5 10 a ni tawh a ,mahse a hnek nat em avang leh a skills (Offense and defense) kum 30 mite paw'n an spar-pui ṭhat ngam loh khawpa talent nei ṭha a ni. A ropui chhoh viau laiin a nun uluk lo lutukin a bankrupt bakah, maktaduai 30 vel lai ba a nei a nih kha.

Mahse, tun kum 10 chhung vel a nun thlakin sum tam tak a lalut leh thei a nih hi.

b) Mohammed Ali : Boxing ah chuan khawvelah no. 1 ni leh Sports ah mi ropui ber an thlan chhuahah 2-na hauhtu a ni (Michael Jordan 1-na). A ropuina em em nia ka hriat chu vawi 2 ngawt a hneh loh, Joe Frazier sawp hreptu, George Foreman a hneh thei kha a ni. Goerge Foreman kha a palianin leh hnek na lutuk a ni a, zan khatah a weight-pui 5 KO thei a ni a. "Rumble in the Jungle" Ali nena an khelh dawn khan boxing analyst leh professional boxer ho khan Foreman khan Ali kha a hnek hlum an hlau hial a. Chutiang taka boxer hnek na leh champion upa ber thei a ni a. Mahse, Ali-a'n mindgame a khelh nasat bakah, hruiah betin a theihpatawpa inhnektirin a inbettir a ("rope a dope" a lo chhuahna). Foreman-a chau tawh lutuk tihah an hnek ve ṭan ta a, round 8-naah a KO ta a nih kha. Kha khan boxing-a a ropui leh a IQ ṭhat zia, The greatest title pawh hi a tih phu phah ngawih ngawihin ka hria.

c) Floyd Mayweather: A hming hre lo kan awm awm lo ve. Amah a in-promote thiam em avanga khawvel boxing hlawh hnem ber ṭum 2 khel thei a ni a. Boxing history aṭang chuan ani aia ṭha boxer hi tam tak an awm, mahse boxing tana a in-dedicated hi a pui em a, TV-a a in-show-off vel hi kan hmuh hnem ber chu ni mah se, behind the scene ah hian ni tin boxing practice loh ni a nei lo va. Chuvanga hetiang dinhmun thleng theih chauh hi a ni.

d) Tommy Morrison: Ani hi Hollywood legend John Wayne a tupa a ni a (Rocky 5 a Tommy Gunn-a chang kha). Sports lamah an family an talented em em vek a. Competitions ah a tel dawn paw'n a inziak upa a, chutianga tela champ tho ṭhin a ni. Professional-a a luh pawh khan a left hook khan awlsam te te khan a KO hnem a ni. Foreman tak ngial pawh a hneh a nih kha. Mahse zu, drugs nula leh party a lawm lutuk khan milar zinga HIV kai hmasa niin a khel zui rei thei ta lo a ni.

3. Football ah

a) Lionel Messi : Football khel tur hrim hrima piang tih theih khawpa ball thiam chungchuang, Premier League average player size 6.3ft zingah ft 5.7 nia khawvela thiam ber tih hlawh thei khawpa talent nei ṭha ni mah se, a in-discipline reng tho a. Ka thiam a lawm, tiin practice tlai/hman loh emaw a nei ngai lo. Hoffemheim lo kal ṭuma Mizo 1st 11 player insan hleihzia leh an inchak hleihzia kan la hre ṭheuh awm e. An duh hun hunah an pet goal thei a ni ringawt a nih kha. Pakhatin ball a rawn um a, mi 3 a ron tlan lehpel a, khati khawp khan an inthlau a nih kha. An height, size leh Messi height leh size khu a inang vel a. Khata ṭang ringawt pawh khan Messi ropuizia a lantirin a tehkhin theihin ka hria.

b) Christiano Ronaldo: Ani hi Messi nena tehkhin ni mah se, ani erawh talent lamah chuan Messi chu tluk meuh lo mah se, a in-discipline em em reng avanga khawvela ṭha ber ni thei a ni. A fitness technology hrang hranga an teh ṭum khan, a fitness kha 110%-a fit a ni. Chutiang taka indiscipline a nih avang hian ṭhat vanglai (a prime) pawh a ṭha rei khawp mai.

Ropui tak leh chungchuang tak leh a bik taka mimal tin hi dina siam ṭheuh kan ni. Indahhniamna leh hlauhna hi kan hmelma lian ber a ni.

- Zorema Khawbung, Mission Vengthlang