I chîk vè ngai em? (Thírtu thlìrna)
Ni tina thil thleng, mi tinin kan hriat fo tawh, kan la hriat nawn fo ṭhín hi, I chîk vè ngai em?
In neitu fel chuan in chhâwng tam tak sa mah se, an hnuaia thawk, an hlawhfa chhawr ngai rengten an sa zo ṭhin tih leh, in neitu sual chuan in chhâwng tam tak chu sawi loh; in chhâwng pakhat lek sa tur pawhin hlawhfa dang dang an chhawr ṭhin tih hi!
In neitu fel chuan kum tam tak chhungin awmpui ngai reng an nei ṭhin tih leh, in neitu sual chuan kum tam tak chu sawi loh, thla khat chhung lek pawhin awmpui mi chi hrang hrang an nei ṭhin tih hi!
In neitu fel chuan kum tam tak chhungin motor khalhtu (driver) ngai reng an nei/chhawr ṭhin tih leh, in neitu sual chuan kum tam tak chu sawi loh, thla khat chhung lek pawhin motor khalhtu (driver) mi chi hrang hrang an nei/chhawr ṭhin tih hi!
Dawr neitu fel chuan kum tam tak chhungin dàwr nghâktu ngai reng an nei/chhawr ṭhin tih leh, dawr neitu sual chuan kum tam tak chu sawi loh, thla khat chhung lek pawhin dàwr nghâktu mi chi hrang hrang an nei ṭhin tih hi!
In neitu fel in chu kum tam tak chhung a luahtu ngai rengin an luah ṭhin tih leh, in neitu sual in chu kum tam tak chu sawi loh, thla khat chhung lek pawhin in luahtu mi chi hrang hrang an nei ṭhin tih hi!
Hna thawktu ṭha zawn hmuh tum lovin, hna thawktute tan mi ṭha nih tum ila. Pi leh pu ṭha neih/hrawn inbeisei lovin, hna thawktu ṭha nih kan tum tur a ni. Mi dangte dinhmun chauh chîk taka thlir mai lovin, mahni dinhmun pawh hi chîk takin i thlir ve ang u.
- Centenary C. Lalzahawma