MIZORAM HI AGRICULTURE HMANGA INTODELH VE TUR CHUAN KAN LA HLAT DEUH
Khawvelah hian Agriculture hmanga hmasawnna leh intodelhna thu hi a sawi thiam leh hre chiang inti kan tam khawp mai. Chaihchim rorel ang mai kan la ni thung.
Mizoram mipui tam ber 75% tana Agriculture hmanga intodelh tura kan kal tawh dan, kan kal mek dan leh kal zui dan tur aṭang hi chuan "Bei nge sei; Run dung", dinhmunah kan la ding chho zel dawn chu a nih hi!
State Sorkar Agriculture Department aṭanga intodelhna tur thu hi chu sawi tawh lo ila, Sorkar laipui aṭanga Agriculture hmanga intodelhna kalpui tur pawh hian State Sorkar Agriculture department tho kha an ni.
Agriculture Sector hrim hrim aṭanga intodelhna kalphung lah hi Aizawl aṭanga Saiha kal turin Aibawk hmuna la awm ang vel kan la ni.
Mizoram sorkar mek thlaktu tura kan lo beisei, ha hipa kan aupui, "Thlai thar hralhna kalphung thar," kan tih berte lah a tak ram tur awm chuang lo. An tinzawn dan aṭangin Agriculture Sector aṭanga intodelh turin an ṭhelh nghal. 40% chiang takin an sawi a, 60% erawh an sawi thei lo. Agriculture hmanga Mizoram intodelhna kalpui dan tura kan insawi dan leh kan kal dan tura kan tinzawn dan en hian kan ṭhelh zui zel.
Agriculture Sector Development hi Sorkar department kalpui tur atan chauhva ngaitu kan la tam hle mai a. Agri-based aṭanga tharchhuah tur ber Items kalpui dan turah kan la ṭhelh tluang zel a. Chuvangin, Mizoram aṭanga Agriculture hmanga intodelh tak tak tur chuan Agribusiness criteria kalpui a ṭul takzet.
Central sorkar leh State sorkar, State Sorkar Department aṭanga ram mipui intodelhtir tuma MLA kan ṭanchhan chhung chuan, engmah kan nih a rinawm lo. MLA thlantlin inchuhna boruak leh Agriculture hmanga Intodelh tum hi chu a kawng a la thui hle a, kan thlen hmain MLA term a tawp hman zel.
Ram rorelna chelh tumte hi chuan ram mipui hnena Agriculture hmanga Intodelhna thu hi chu a ngai tè bawka aupui chi a ni tawh lo. Ram mipui pawh hian an ngaithla kham deuh tawh. Chutih rualin, Kut hnathawktute rilru beidawng ngaihtuahna pawh hi a hrisel tawh lo.
F. Vanlalpeka.
IMCS Aizawl.