KHAWVELA RAMTHIMZUAL "10/40 WINDOW" AN TIH RAMA RAWNGBAWLTU "PATRICK LAI" NEN KAN INKAWM

June 20, 2023, Phnom Penh:

Vawiin chu JP Ferraro, US zarah khawvela ramthim zuala an sawi, 10/40 Window an tih maia Tent-making (Paula anga puan in kaih hna thawk) hmanga a theih ang anga Chanchin Ṭha hriltute zinga pakhat, "Tent-making" awmzia leh Chanchin Ṭha an hrilh dan ngaihnawm leh zirtir nei ṭha tak ziaktu, American pa, Patrick Lai (68) nen a thlenna hotel, Phnom Penh-ah darkar 2 zet kan inkawm thei a, pa inngaitlawm tak, a thiltum chiang em em mai niin, hun chep tak karah titi dun theihna hun remchang min siamsakin, an hmalak dan chi hrang hrangte min hrilh bawk a, a ngaihnawmin chona nasa tak min pe.

Patrick Lai chuan a lehkhabu ziak thar, keini SEAMS Team member te tana ṭangkai lutuk tur " Workship: Recalibrate Work and Worship" tih phek 148-a chhah min present a, ka lawm hle.

Patrick Lai chuan, OpenUSA: Business for Transformation" tih dinin, Tentmaking ministry hmangin khawvel ram 100 chuangah rawngbawlna an kalpui mek a, amah chuan a namecard-ah "Patrick Lai-Listener to God" tih a ziak kalh! Tunah "Colorado Christian University" US-ah Associate Professor of Enterpreneuship, School of Business and Leadership, College of Undergraduate Studies" hna thawk mek bawk.

An rawngbawlna a sawi zaunaah chuan, "Keini chuan thil 4 kan focus a, chu'ngte chu : Spiritual, Economic, Environmental, Social" te an ni a, Spiritual & Econimic chu kan ngaih pawimawh bik a ni. Kristian tu pawh chu Krista Thuhretu kan ni thei vek a. Keini chuan missionary tiin kan inkoh ve ngai lo, Zirtir (Disciple) tiin kan koh mai ṭhin. Muslim ramah kan thawk na zual a, Doctor, Engineer, Teacher, Businessman, etc, tiin kan vuah mai. Khawi hmunah pawh miin hna (job) kan nei vek a, chunga kan hnaah chuan missionary kan ni vek a ni. Isuan a zirtirna a ngaih pawimawh em em, mahse, kan ngaihthaha kan tih ngai loh chu "Hmangaihna" (love) leh "Rawngbawlsakna" (Serve) chu kan hlamchhiahin, kan ngaihthah vek a ni. Khawi hmunah pawh hna kan thawk a ni thei e, kan hna thawhna hmun (working place) a mite chu kan hmangaihin, rawng kan bawlsak tur a ni. Tichuan, kan thiltih ṭhatte chu kan nunah an hmu ang a, Pathian an chawimawiin, chibai an buk thei dawn a ni.

"Khawvel mite chu hmangaihna leh ngaihdamnaah an tuihalin an rilṭam a, chung an mamawh chu Krista neitu kan nih angin kan pe tur a ni. Thlarau rah te chu kan nun aṭangin kan pe chhuak ang a, an rilṭamna leh tuihalna chu kan tihrehsak tur a ni. Kan hna thawhna hmuna mite chu kan hmangaih em?

"Isua chuan thil pahnih hmanrua a nei a: Hmangaihna (love) leh rawngbawksakna (serve) chu a ni a, chung hmanraw pahnih hmangin a hun leh nun a hmang nasa hle a ni. Keini chuan thil dang behbawmah kan hmang ral a, Isua hmanraw (tool) pahnihte chu kan hlamchhiah si ṭhin a ni..." a ti.

Khawvela Missiologist hmingthang Ralph Winter bulah kum 1 a thawh tawh thute sawiin, tunlai khawvela Kristian thurin venghimtu lar, American Apologist Dr. John Piper te nen pawh an inkawm ṭhinte a sawi a, Muslim ramah Professional chin, Doctor ringawt "Disciple" an tih mai 40 chuang an neih mek thute leh, khawvel pumah thawktu, member an tih mai mi 500 vel an awm thu a sawi bawk.

Mizoramah "Tent-Making Ministry" chungchang Seminar or Training min neihpui turin ka sawm a, mahse, a hun a chep lutuk ṭhin avangin engmah hmalam hun a sawi theih loh thute leh, nakkum May thla velah hun thawl a nei deuh mai thei niin a sawi.

Cambodia ramah hun chep tak karah an lo zin thu leh tumah vak an hriattir loh thute sawiin, Cambodia ramah "Business as Mission" an kalpui thute a sawi a, chu'nga an mi rawih Buddhist hotu pakhat tan New Testament Bible (Khmer version) min chah chu, Cambodian pa hnenah pek a tum thute sawiin, ṭawngṭaisakna te min neih hnuin, inbe zui zel turin kan inṭhen ta rih a ni.

Patrick Lai chuan ordained minister a nih thute sawiin, thiamna bik nei leh professional hote tan non-kristian khawvelah rawngbawlna tur a tamzia te a sawi ṭeuh!

Mizo chu tute nge kan nih leh Mizoram awmna a lo hre ngai hauh lo va. Kei chuan fiah takin Chanchin Ṭha kan dawn aṭanga vawiina Mizote dinhmunte ka hrilh a, Cambodia ramah ringawt pawh missionary 20 dawn awm ve thute leh, Mizoram state pawn leh khawvel hmun hrang hrang Thailand, China, Taiwan, Thailand, Malaysia, Indonesia, Nepal, Bangladesh, Kenya, Tanzania, UK, etc ah thawktu 3000 dawn kan awm mek thute ka sawi chuan, mihring tlem ngaihtuaha mission ngai pawimawh Mizote chanchin chu ngaihnawm a tih hmel ve hle.

Chanchin Ṭha avangin khawvela ka hriat ngai loh leh kawm phak loh tur mihringte kawmin, ram ka tlawh ngaih loh turte ka fang ve ta nual mai a, ka tan Lalpa hi a va ṭha em!

- CT Lalrinawma