Pu Zodintluanga a tel ve lo

Tunlai chu Congress lamin boruak siam tumin programme hrang hrang an siam a, Congress mi leh sa an kal khawm a, Pu Zodintluanga a tel ve ngai lo.

Pu Zodin-tluanga hi Congress MLA senior a ni a, tunlaia phur taka Congress Programme lama lang ṭhinte hi 2018 inthlana tla deuh vek kha an ni. Pu Zodintluanga hi Congress Legislative Party Leader a ni si a, ani tan hian Congress ah hmin a awm ve lo em ni le? tih hi mipui zawhna a ni. Pu Zodintluanga hi Congress chhiat ber laia Assembly House lama au ṭhin a ni a, Congress boruak hniam lutuk tur vengtu a ni. Pu Zodintluanga hian Congress President Pu Lalsawta rorel dan ṭha a ti lo va, huaisen takin a au chhuak a, hemi hnu hian Congress programme pawimawhah chuan a lang tawh ngai lo. A lang duh lo nge amah hi an paih zawk? tih hi mipui zawhna a ni a, Pu Zodintluanga bak ah hian a nau Pu Chalrosanga, Pu Mavala EX MLA pawh an lang ngai lova, Congress chhungkaw buaina inmung mek hi a puak keh a nih chuan a pawi dawn si a, Congress hian Pu KS Thanga zawhna pawh an la chhang thei si lova, insiam ṭhat vat vat an mamawh tawh khawp mai. Congess tan chuan insiam ṭhatna khua a la tlai lo a, inthlan hi November daih a la nih hmel a. ZPM lama an bial viltu ruat thu hian mi a ti hmanhmawh mai mai a, Congress tan insiam ṭhatna hun a la tlai lo, Pu Zodintluanga hi thlém dam rawh se.

- David Lalremruata