LO CHHÛT CHIANG VE TEH

Ruahmanna fel nei lo chuan In chhung khur pawh an tlachhe ṭhin. In sa tur pawhin Architect thiam takte'n uluk takin ruahmanna (plan) an siam lawk ṭhin.

 Ram tung dinga mipui changkanna atan chuan ram hruaitu lu berin ruahmanna (dream) ṭha a neih a ngai a, chu a dream chu tihlawhtling turin sawrkar hnathawkte a hrilhfiah a, sawrkar hnathawk ten ram hruaitu lu ber dream chu an bawhzui ṭhin.

 Ruahmanna chu ṭha viau mah se, a tipuitling tura sawrkar hna thawkte a fin chhuah a, a hrilhfiah thiam loh chuan ruahmanna a puitling ṭhin lo. Architecture te'n ruahmanna ṭha tak siam mah se, a In satu tur Mistiri ten an hriat thiam lohva, an tuipui loh chuan In luah tlak a chhuak thei ṭhin lo.

 Miin ruahmanna ṭha an siam a lo nuihsawh leh fiamthu a lo sawi hnawm erawh pa fing awm dan tur a ni bawk hek lo. Chutianga lo nuihsawhtu leh sawi chhetu chu, chu In sak tumtu itsiktu leh a hmelmate chauh an ni. 

Mizoram hmangaiha mipui tihchangkan a, hmasawnna siam turin Mizoram Chief Minister Zoramthanga chuan ruahmanna ṭha leh ropui tak tak a han chhawp chhuak a, chu'ng a ruahmanna chu tipuitling turin mipui leh sawrkar hnathawkte a han zirtir ta a. Chutia ruahmanna a siam chu a tihhlawhtlin a, mipuite'n an chawimawi hlautu, ram leh mipuite an lo changkang palh ang tih hlauva, ram hmasawnna siam chhuaktu chu mipuiin an chawimawi hlauh ang tih hlautu, eptu party te chuan, a hmachhawpte chu an sawi hnawm a,  an nuihsawh a, In sa turte'n ban khur an laih laiin, "A va tipuitling har ve, a puitlin chuang lovang, a hlawhchham dawn e," an lo tih ang chiahin, a eng amah hma, a bul ṭan nan Architect map Pu Zoramthanga'n aphar chhuah chu, "A va hlawhtling har ve, khawiah nge a bedroom, khawiah nge mikhual room chu, luah tur a va awm lo ve," an lo ti chûk mai hi a va pawi ve le. 

Kum khat chhung leka MNF Ministry hmasawnna hnathawh ropuizia hi mipuiin an hmu vek chunga sawi chhiatna leh sawiselna ringawt lo iakpui ṭhintute hi, ram hmangaihtu ni lovin mahni inhaivur duhtute, mahni inhmangaihtute chauh an ni. Term hmasa kha chuan Mizoram dung leh vangah kawng chhia ringawt kha kan titi a niin kan ân tamna ber a nih kha, tun MNF kum khat lek chhung khan kawng chhe lai zawngin hla tak tak kan vak a, Congress huna Gas harsatzia hahipin kan sawi a, tunah lah Gas sawi a awm tawh lo. 

Buhfai ni se term hmasa Congress sawrkar-ah phei kha chuan "Buhfai vãng" kha mi tin sawi a ni. Tunah erawh Buhfai zuar pawhin hralh ngaihna hre lovin an dawr an khãr a, Ration buhfai retailer lahin an hralh thei hek lo. Covid-19 vanga khawvel an buai laiin, Pathian hriak thih MNF sawrkar hnuaiah chuan Pathianin zah a ngai a, nunna chan êm pawh kan la awm lo! "Pathian leh kan ram tan" tih thupuia neihtu hi Lalpa hian mal a sawm a ni.