Mizo integration
"Kan thih leh ruam khatah, kan dam leh tlang khatah."
Manipur Phaizawla chengten Tlangram hmun an chuh vanga tunlaia kan buaina hi a hre lo kan awm tawh awm lo ve.
Manipur Phaizawla cheng Meitei hnam hian Tlangram hmun chauh an duh a, a mi cheng Tlangmi, heng: Thahdo hnam @Kuki Tlangram hming zuitu te, Paihte hnam @Zomi ni ta te leh Hmar hnam, heng te hi Meitei te chuan hnawksak an ti ta tlat mai!
Meiteiho hian Tlangram leilung chauh duhin, a chhunga chengte duh lovin umchhuah vek an duh avanga buaina hian Mizoram Mizote a nghawng a, Nagaland Naga te a nghawng tel ta zauh zauh bawk.
Meiteiho hian Manipur tlangrama cheng Mizo Hnahthlakte hi "Mizo National chhunga awm ve hlei lo" a ti nge? "Mizoram aṭanga inla hrang" a ti nge ? "Mizo nih an duh dawn chuang lo" tiin, ngaihdan nghet tak an nei ta em ni? Heti taka a chet tak mai chu le?
Meitei National bei let tur leh hneh ngei tur hian Mizo Integration hrethiam ila, Manipur Mizo Peoples Convention (MPC) te, Young Mizo Association (YMA) te leh Mizo Zirlai Pawl (MZP)-ah te hian INCHHUNGLUT vek tawh mai ila.
Manipur tlangmi, Zo Hnahthlak, Hmar, Paihte @Zomi, Thahdo @Kuki ... ti ringawt lovin, Hnam bil awm tawh lovin, "Greater Mizoram" ti ringawt lova, "Mizo Organisation" ngei hmangin Meitei-ho do tawh thung ila.
Manipur leh Mizoram inrina Tuivai lui INDAIDANNA kan tih fo hi INZAWM nana hman a hun tawh hle nawk.
Meiteiho hian a tawp thlen an tum ta rau rau, Mizo Hnamah inchhung lut fel vek bawk ila, Mizoram enkawlna hnuaiah a thling-baw-hawk khawpa indo law law hi kan hmabak chu a ni ta.
Meitei National hi Mizo National veka do an ngai a. Hetih mek lai hian hnam bil, hnam peng pahnih thum ang lek hi chuan thil ti tawh lo ila. Hnam pakhat chhunga United Mizo hmanga kal tawh mai hi a ngai ta.
- F. Vanlalpeka