Social Media Politics
Kum 2023 inthlan a lo thlen dawn meuh chuan Social Media hmanga politics khelh hi a pawimawh zia kan hre chhuak ta. Kum 2009 khan Barrack Obama kha Facebook avangin a tling an tih na kha a lo rei tawh reng a ni. Social Media hi kan hriat loh avang hian ngaih thah chu a ni lova, chutih lai chuan Social Media hmanga tling tur leh tling lo tur lo teh hi chu mi fing tih chi a ni lo.
Tun lai hian Facebook hmanga Politics khelh hi a hman lai tawh an ti a, chuti chung chuan Facebook hi chu Platform ṭha niin kei chuan ka hre ve tlat. Tun a Mizoram Party Facebooker in ti ho ang ni lo hian hman a ngai dawn thung a, tuna Facebook lama beh chhan nei miah lo 'Chumi chu a boruak a ṭha' han tih te leh 'A tling tawh miah lo ang' tih te 'A tlin an ring ta ṭhup mai' tih ang reng hi chu hman lai tak a ni. Vote pakhat pawh an hmuh belh ka ring lo khawp mai. Mi an beih dan personal tak tak leb baseless tak tak hian mihring rilru a hneh lo. Facebook hi politics atan a ṭangkai a, Mizoram a Party Facebooker inti hi chuan eng vote mah an hmuh belh lo a, ṭhenkhat hi chu an party tana chhiat na thlen tur tur zawk negative effect nei thei an ni.
Youtube hi an an ṭangkai thar ber chu a ni zawk. Youtube hi mipui nawl pui hian kan en nasa a, mipui rilru hruai thei a ni. Youtuber an tam tawh a ṭha tak tak pawh an awm tawh. Youtuber ṭhen khat hi chu lei theih an ni an tih hi awih awm tak a ni. Youtube Opinion Poll hi a tak a, awm zia a neih ka rin zawng tak a ni a, Youtuber ṭhenkhat toh dan han en erawh hi chuan a lem leh bawk si. Youtube pawh hi rin loh tur a tam hle tho a, campaign na atan chuan a la rintlak chho zel ang.
Whatsapp hi chu in hnialna a ni a, Whatsapp kal tlanga member thar lalut hi ka la hre lo. Whatsap kal tlang hi chuan politics hi khelh awmzia a awm lo. Politics khelh hrim hrim hi inhnial paw tawk a ni lo. Social Media hian 2023 inthlan ah hian awm zia a neih ka ring, a hma ṭangkai dan tur chu uluk taka duan chu a ni, Facebook lama a ka kaw nazawng rak vak vak hi chu vote hmuh belhna ni loin vote paihna a nih a rinawm zawk a ni.
- Michael LR Hnamte (M-10)