A hnuhnung hnung Phungin seh
Tahrik July 14, 2023 a Vanglaini lama kan hmuh Pu Lalmuanpuia thu ziak 'A hnuhnung hnung phungin seh' tih kha thiam ang tawkin kan zirna lam hawi zawngin review ve ka chak a, thu ziak mi ka nih loh avanga ṭawngkam ulh ka hmang a nih chuan thupha ka chawi làwk ni bawk rawh se. Aizawl hi Ruling Party MNF tan a la him leh him loh hi thiam ang tawka ziah kan tum ve dawn a ni.
Aizawl ah hian MNF hian MLA 6 Pu Zoramthanga, Pu Robert Romawia Royte, Pu Lalmuanpuia, Pu Zothantluanga, Pu Lalruatkima, Prof Lalnunmawia an nei a, Aizawl Municipal Council hi MNF in an enkawl bakah MNF hian Local Council hi an la fai deuh phiar a ni. Hetia thlir chuan Aizawl hi MNF Kulhpui tih tur a ni. Heng hruaitute hi kum rei tak ni loin tun hnaia thlan vek an ni. Hruaitu ni rei ber chu MLA hi an ni a, AMC leh Local Council thlan phei chu a la rei lo hle a ni.
MNF hian electoral politics awm thei ang anga hnehna an chang chunga Aizawl an hlau tlat mai hi eng vang nge ni ta ang? tih hi kan chhui ṭul ta chu a ni. MNF Minister zingah Pu Robert Romawia hi sum la lut tam ber budget pawn aṭanga sum hai lut thiam hmingthanga inchhal a ni. Aizawl East II Bial chhunga chhiat ni ṭhat ni pawh kal kim anga chhal theih khawpa viak ṭha a ni. First time MLA a la ni bawk a, a thawh ṭhat bakah a phûr pawh a phur a, chu pa chu a Bialah a ding nawn ngam tlat lawi si lo. Pu Robert Romawia hian hmuh a nei a, Aizawl hi MNF tan a him lo tih a hmù thiama Hachhek a pan. Hachhek hi a hming ṭhat tawh lohna area a ni chunga he Bial kher a pan chhan hi Minority Politics vang a ni em le? PUC zirlai kawmna Youtube aṭang khan Aizawl hawi zawng hi a lang zui ta reng a ni.
MNF chuan eng vanga Aizawl chu hlau ta nge an nih ang? Ele Swing Voters vang hi maw le. Political Science student chuan in hrethiam ang a, swing voters a ṭhenin floating voters an tih hi tlinna leh tlin lohna an ni, Mizoram political history kan en chuan. Party nihna nei lo; thlèkna lam apiangah hian party an tling tihna a ni a, swing voters-in MNF an vote duh dawn lo tih hretu Pu Robert Romawia chuan sum tam tak leh tha tam tak hmanga a chei; Aizawl East II a chhuahsan hian a hrilhfiah ta chiat a ni. Zemabawka Development sum tam tak lut chunga Local Council inthlana MNF an nil avangin MNF MLA zingah Aizawl aṭanga chhuak hnuhnung chu Phungin a seh a rinawm.
- Malsawmtluanga, Bawngkawn