Tunlai chu Social Media a hneawm

Social Media hi a nawm chang a awm ṭhin laiin inthlan (Election) dawnah chuan thil ninawm tak a ni. Social Media hi a ka kaw nazawng kei ni ang pawhin kan hmang thei a, chu chu kan buaina bul chu a ni! Kei pawn hi Social Media tihneawmtu ka nih ve tho chu ka ring.

Social Media Group ah pawh hian Politics Group leh Group lo hi thliar hrang lovin an duh duh naah Politics hlir an post a, Politics hi kan ning hle tih hi lo hre ve teh u. Politics hi kan nin chhan chu Party Worker ṭenghneng tak takte hi an ni a, uneducated tih hriat reng reng hi an pawt hnem si a, chu chu kan Politics a nih chuan a pawi hle a ni. Mizoramah ram siam ṭhat tum an awm an ti a, Politician pawh an tei suau suau a, chu Politics an tih chu Facebook lama inhnial hi a nih ngai chuan thil holam tak a ni ang.

Engpawhnise boruak hi lo siam dâwn pawh ni se Politics boruak hi chu a tel ve lo tán chuan thil ninawm a ni. Group ṭhenkhatah hi chuan thil tak tak an post pawhin mi tam tak chuan thil tak tak sawi laiin Politics bawk an post ṭhin.

A ram pum hian politics kan rui a, a tel ve lo pawhin kan sawi kan sawi a, keini pawhin a sawi sem chungin kan sawi ta zel a. Chanchinbu article zawng zawng hi Politics a ni a, hei hi kan fate ṭhan zelna atan pawh hian a fuh lo. Politics leh Politics hlir sawina ramah kan cheng a, kan Politics sawi level lah chu a hniam si, i ṭang tlâng ang u, i harh ang u khai.

- Freddy Lalnunmawia