NATIONAL POLITICS - CONGRESS QUAVADIS?!

Covid 19 hrileng manganna karah VC/LC Election kan nei a, ZPM vrs ZNP buaina pawh a lo langa, National Politics pawh sawi ang aw.

India ramah chuan National Party lian pahnih awm se, kum 10 aia tam loin insawrkar chhawk se ka ti ṭhin. Congress ka duhna chhan chu Indian National Congress hnam leh sakhaw tin huapzo, Democratic Political Institution ropui nia ka hmuh vang a ni. Congress (I) mimal Indira hming Party ka pawm lo a, Congress Gandhi hawia Dictatorship ka pawm lo bawk. 

PM Modiji kaihhruai sawrkar term hmasa khan Opposition an nih laia an sawisel ber Socialist Policies kalpuiin Vote bank an siam a, India Economy min hnuk hniam duai duai a, Covid-19 vanga Economy chhiatnain min delh bet ta nghek zui a, India dinhmun chu ram dang aṭanga pawisa pukna zawna kal hram hram a ni. He sawrkar thlak tura inbuatsaih duh Congress Working Committee member 23 ten President Sonia hnena Congress chakna duha President nghet, Party kaihruai nghet tur dah tura lehkha an thawn hi a pawimawh ber chu a ni. 

A bul chu Congress hian Party Constitution ngai pawimawh lo a, kum 20 dawn Gandhi's te duhdan hawia a kal vang a ni. Sonia hian INC Predident, Sitaram Kesri leh PV Narashimha Roa a lo paih chhuak tawh a, Leadership leh mi chak a piang a hnawl a. 1998 aṭangin INC hotu thlanna fumfe awm lovin a kal chho a, Election Commission pawhin 2017 khan a khak tawh a, engah mah a ngai lo.

Congress Working Committee hi kum 1920 daiha din tawh a ni a, Committee chhung Member hi 20 tur a ni. Tunah hian thlan pawh ni lo Member 21 an awm a, phuahchawp Parmanent Member 16, phuahchawp lehzual NSUI, IYC, Seva Dal vel aṭangin Special Invitees 13 an ruat bawk a, CWC member 50 an lo ni ta a. Gandhis hotu nih reng duhna kawngah Congress Party rorelna sang atangin Dictatorship tih loh theih a ni lo. Mizoram Political Party chhung kha han bih la, eng ruai chu a ni lo.

A pawi zawk chu 1998 vel 

aṭanga Congress Party tlahniam kha 2004 General Election khan zavaia ṭan-rualna vangin UPA a chak a. Sonia khan ama duhdan angin Congress hruaitu 5 koin Dr Mannmohan Singh hi ka thlang e, tiin a puang a. Dr Mannmohan an "Madam I have no Power" a ti a, Power nei lo kha Sonia duhdan a ni si a. PM dawhkan hmanga duh duha rorelna a thleng a. Congress hotute chuan Leadership nei ṭha, mi chak Pranab Mukherjee kha PM turah an ngai vek a. Tichuan, Rahul Gandhi MP term khatna a la ni a, hotu ber nih tir tumna a la awm lo bawk a, 2009 Gen Election-ah khan ṭanrualna a ṭha a, a hma 2004 Congress MP 145 aṭangin 206-ah a sang chho ta hial a.

Mahse, UPA II, 2011 bawr aṭang khan 2014 Gen Election a Rahul.Gandhi PM tura vawrhchhuah kha Sonia tum ber a ni si a. Senior Congress Leader leh Minister ah Divide an khel a, Rahul hliah thei tur Pranabji pawh India President ah dahbo a ni a. Naupang lam Rahul aia mi ngaihsan theih tur Scindia, Dachin, Milind Deora, Jitin Prasada, Manish Tewari, Mukul Wasnik dah hniamin duh duha thuhnuaia dah tur Ajay Maken, Pradeep Dikshit, Randeep Surjeewala te chu post pawimawh chelhtir an ni ta zel a. State Pradesh ah Rahul a lamṭang tur thei tur hruaitu an dah nghauh nghauh a. Hetiang hian 2014 Election kha INC Vice President Rahul Gandhi, Sonia Gandhi hnuaiah hmachhawn a ni ta a, Congress MP 209 aṭangin 44 ah a tla a, India rama Congress hniam ber a ni. 

A ngai te bawkin Sonia chuan a fapa Rahul Gandhi bawk chu INC President-ah a hlangkai a, 2019 Gen. Election hmachhawn a ni leh a, Congress MP 76 a kai hram a. Congress President Rahul Gandhi chungah beiseina a bo a, amah pawhin banna a thehlut ta a. A ngai te bawkin Sonia Gandhi an President a, Party kaihhruaina a tlahniam a, State tinah Congress a buai tulh tulh a, CWC member 23 ten nem mawi hnai takin Lehkha an thawn ta a, Congress hotute hi an tuar a chhel a sin.

CWC meeting koh a ni a, nasa takin an inhnial a, pawn lamah Congress Worker fuihpawrhten Gandhis lo chu 

hruaitu atan kan duh lo tiin au rual tawk an lo awm lehnghal ringawt a. Thla ruk chhunga Congress President nghet tur thlan a, Party Constitution anga kal tih thutlukna a ni. Hemi hnu hian Sonia leh Rahul-ten ṭawngkam ngaihnobei lo deuh deuh an chhakchhuak a, "Phatsantu, BJP lamṭang, Bang rawh se" tihte a ri a. CWC 23 lam Gulam Nabi Azad, Kapil Sibal, Manish Tewari ten an chhang a. President Sonia lahin Parliament in hniha Congress MP te mawhphurhna an lamṭang hawi zawngin an sawi danglam nghal a.

Heng ka sawi duhna chhan chu Sonia leh a fate hruaina hnuaia INC  hian buaina a chim tur vawrtawp a thlen a ṭul, Regional Party te tan.National Party BJP khin hneh a harsa si a, National Party Congress hi Gandhi's te nufaho hruaina aṭang chuan engti kawng mahin BJP khin hneh ngaihna a awm mai lovang. Congress President han inthlang se, a keh phel phah pawhin National Politics chapter thar a piang thei zawkin ka beisei.National Party pahnih lian tak awm se, Party Constitution angin kal se, India hi a him ber ka ring.