Chaltlang leh Ramhlun kawng siam hi

Tunlaia Aizawl mipui mimir tibuaitu hmasawnna hnathawh pahnih hi ṭhahnemngaih thu ah han au chhuah pui ve phawng phawng mai ila, mi pawi kan sawi em lovang chu maw?

Aizawla hnathawh pawimawh zinga an thawh sawt theih loh tak chu Chaltlang kawngpui chho sir hi a ni a, hetiang hna pawimawh leh hna lian hi tute nge contractor hre ve lo mah ila, hetiang bik ah hi chuan contractor lian leh changtlung tak, chak taka hnathawk thei tur rawih ni se. Tuna mite hi an lo lian viau theia mahse anmahni ka hre lova, an lian viau a nih pawhin an hnathawh hi a harsa nangin han thawk chak hret thei se chu Aizawl khawpui harsatna pakhat chu rang takin a thawveng hawk thei dawn a ni. Contractor te hi chak lehzuala hnathawk turin duhsakna sang ber ka hlan ve a ni.

Kan MNF hotupa ber Pu Laldenga hmingṭhatna kha chu kawngpui a zauh nasa kha a ni an ti a, tuna Ramhlun leh Chanmari inkar kawngpui hi lo zauh ta lo se Aizawl khawpui hi engtin nge lirthei a kal tawh ang le, kan CM ni lai kawng chhawng hi kan nghah ve deuh char char chu a la ngai dawn si. Pu Denga khan kawngpui a zauh a, tunah hian ṭhahnemngai takin Ramhlun kawngpui an ti zim mek a, hei hian harsatna a thlen nasa hle. Kawng a zim a, lirthei inpelh hleitheih loh na a awm ta thliah thliah a, hei hi traffic jam awm lohna khawpui min tiamtu te tan pawh buai pui tham a tling ta a ni. He kawngpui tih zimna footpath atan hian pawisa hi a lo awm sa a nih pawhin kawng tizim tura siam loh ngam hi kan ṭhat pui zawk a rinawm a ni. Pawisa a awm avanga kawngpui area in a tlin lo chung footpath siam belha traffic tih jam leh si hi eng idea nge ni ve le?

Chaltlang leh Ramhlun kawngpui hi kan hotute hian vil ngun deuh se a lawmawm ngawt ang.