Social Media lo hnê suh

August 4, 2023 lama Vanglaini chanchinbua lo chhuak 'Social Media a hneawm' tih Freddy Lalnunmawia thu ziak kha dik ni awm taka lang, dik tluan tling si lo niin a lang. Social Media hi ṭhalaite hian lo hnê mai lo se, a thiltihtheihna a san avangin zir chian zawk tur a ni. Mizoram Politics ah pawh Social Media chak zia hre chiang chuan hetiang mi hi lam ṭanga siam tum in an bei mek zawk tih hi hriat a ṭha a asin.

You Tuber pahnih pathum chuan thawk leh khatah an ṭan zawng an thlak thut tih hi Politics chik mite chuan kan hria ang. He mi hma hian Social Media in dona puang an awm tih pawh kan hria ang. You Tuber ṭan lam thlak te hian eng ang duhsakna nge an neih that thur erawh mipui nawlpui chuan kan hre lo ang. Hei hi chu lo chhui ve tawh mai tur a ni.

Facebook lama active tak pakhat chuan eizawnna tur hnathawh nei si lovin Aizawl Chhim lam Aizawl South II huam chhungah hian in hmun a nei der mai tih thu hriat a ni a, in hmun petu Politician hausa tak hi chu a theih ang angin a fak tih hriat a ni. Mipui nawlpui chuan in hre miah lo ang. Ruling Party chhungah pawh a chan ṭha chan tuma in hrui pawh a nasat em em laia nupui te hna nghet kar chhuak thei an awm tih Facebook lama inziak hi eng ang chena awih tur nge tih kan hriat loh laiin thil dik tak a lo ni si. Social Media hi thil pawimawh leh ṭangkai a ni.

Party pakhat chuan Social Media lama taima deuh deuh hi an Party lamah ham ṭhatna pein an seng khawm mêk a, a tangkaina an man fuh vang a ni si. Social Media ah hian dawt muhlum pawh ziak mahse khawi lai khaw kilah chuan a dik leh dik lo an thliar thiam loh avangin Politics Playground a ni tawh. Hetianga zak map lova midang beihna Post ṭhin te hian pawisa petu te hna petu te an nei zel tih hi mipui nawl pui hian an hre lo. Social Media mai mai hi Politics lamah chuan thil ṭangkai a ni tih hi hriat a ṭha hle a ni.

- Lalrammuana, Chanmari West