Kan Khawpui Kawngpui Hi!

India-in British sorkar lak aṭanga zalenna a hmuh cham vawi 77-na chu chèp zetin, Ṭhuampui leh Bawngkawn inkarah kawngpui siam a nih avangin traffic jam tawt lutukah, lirthei chhungah darkar khat chuang zet ka tawm a, ka táng tehreng a nih kha.

Thlantui far zawih zawih karah thil tam tak rilruah a rawn lut nuaih nuaih a. Kum 1890, Feb. ni 25-a din he khawpui Aizawl hi hei kum 133 lai chu a ni ve tawh a, din a nih tirh lai vela Col. G.H Loch-a sulhnu chu hnum hlarhin a la awm nuk. A khawpui neitute kuthnu kawngpui erawh hi chu hei thawm ṭhat a ni awn awn a, mipui buaina belhchhah zual turin chhun pachangah te hian siam a va'n ni ngun tawh tak e aw!

Kan kawngpui eizawn nana hmang; tangkhang tam tak sum hloh nasat turzia te, taxi driver pakhatin hmanhmawh zeta damlo a rawn phurh, kawng kiana kan thlir zui vawng vawng nunna derthawn zual sauh dan te rilruah a cham zui vang vang! Kan khawpui enkawl dan hi mipui awlsamna thlen nge, harsatna belhchhah tih hi kawng siam reng a ngaih danah hian chhanna rin ka nei khiau! Taxi, City Bus leh Asso. dang te hian in working hours induhthawh nat vang lai taka hetia kalphung ang deuhthawa kawngpui siam a ni ṭhin hi, a concern dept. nen dawhkan kilho thei ula a duhawm ngawt mai. Khelmual ṭha duhin he khawpui mipuite hi kan au tawh a; kawngpui ṭha leh tlo min chhawpchhuah-sak thei sorkar ṭha kan au e.

- Ṭpa Bunghai