MIN HUP RAWH U!

Sorkarin khawpui inkharkhipna thupek a chhuah veleh, mi ṭhenkhat chuan khaw danga  laina tlawha zin chhuahna remchanga hman kan tum leh ta tlat. Mahni lirtheia chhuak rù kan awm leh hman tawh an ti. 

Inkharkhip hi ‘holiday’ a ni lo, ‘duty’ a ni. Sor­kar hian ‘chawlh’ min pe a ni lo, inkhung turin thupek min pe zawk a ni. 

‘Inkhung tur’ an tih chuan, phun lovin inkhung mai ang u.

Tin, kan va zin chhuahna khuate hian min hlau tih i hria ang u. Khaw tawntirha WELCOME tih hi DONT COME tia chhiar hrih tur a ni. Mahni khua aia khaw lian zawka mite zel hi kan hlau vek. Kan chhungten min ngai a nih pawhin an ṭhenawmten min ṭih. An khawtlang kan tiralṭi a, an khaw nunphung kan tibuai vek tih hi i hria ang u.

Thuneitute pawh kan ngen e: Min khar­khip a nih rau rau chuan, thupek puang ngawt lo hian min hup barh law law teh u.

Loh theih loh thil­ah erawh chuan in­hriatthiam ni se.