Hektu 12 chet dan

Pu Lalduhoma MLA aṭanga hek tla duhtute kha ring lo mi state dang aṭanga lo kal an ni lo. Ringtu ṭha ṭhiau Mizoram chhunga mite an ni. An awmna party phei chuan ram leh hnam hmangaihtu an ti a, kei chuan ka ti ve lo khawp mai. Mahni Mizo pui, mahni Kristianpui hek tla duhtu Mizo Kristian hi an Mizo ka ti lo, an Kristian pawh ka ti thei tlat lo.

Eng angin maw? Pu Duhoma an hek tlak kha chu duh lo hle mah ila; ka la hrethiam lui ang. Ka hriatthiam theih tawh loh chu ZPM MLA dang an hek ve duh lo hi a ni. Pu Duhoma an hek chhan kha, "A ZPM lutuk. Independent MLA ni chungin ZPM Office ah thu a sawi, ZPM party thilah a inhmang nasa lutuk," tih te a ni. Pu Duhoma mah an hek chuan tuna ZPM MLA dang te hi hek ve se, an hek ve loh chuan hektu MLA 12 hi ka dem kumkhua tawh ang. Mahni Mizopui hek duhtu, Party hotuten, "Hek rawh le," an tih avanga mi dang hek mai mai, principle nei lo- MNF MLA 12 khan ZPM MLA dangte hi mit an siai leh si em ni? Kuhva tawlh ruk mit an siai ang khan!????

Pu Duhoma hektute hi Mizo Kristian rawngbawltu ṭha tak tak an ni tih ka lo hre ve a, kei chuan a mak ka ti. Mizo pa, MLA ni phak meuhin ZPM MLA tih hriat reng reng Pu Duhoma an hek duh a, ZPM MLA dang an hek ngam lo hi. ZPM Official candidate an nih tur thute puan an ni tawh a, LMC leh inthlan dangah ZPM tan campaign chungin ZPM Flag an tar a, hek leh ta che u, MNF MLA mi 12 te khan.

- Zothansanga