DR. BD CHAKMA HIAN A SAWISEL THEI LO ANG MAW?

Covid 19 hian mihring thluak a luh a, Depression neih phah pawh a awl tih a ni. Khawvel pum Hospital Staff hah lo an awm lo ang.

Khawvel ram hrang hrang sawrkar do dan leh Hospital inenkawl danah pawh sawiselna a ri nasa. India ram AIIMS, Appolo, Max, Lok Nayak Hospital ah pawh Patients te leh Hospital Staff inhnial buai a, kut inthlakna a thleng ṭhelh fo. Central sawrkar Home Ministry phei chuan Hospital ah CCTV dah rawh u, tiin thurawn a pe hial, a mak lo.

Delhi-ah chuan Sawrkar Hospital bakah Private Hospital lian - Apollo, Gangaram, Max thleng Khum 100/200 te Covid Damlo enkawl nan ruahman tir vek an ni. Sawrkar enkawl Hotel leh Building lian la luah loh thlengin Covid enkawl nan an siam belh zel a. Heti chung hian Positive ngaihtuahawm loh chu Home Quarantine in mahni inah an inenkawltir a, Police leh Health lamin an vil zui a, HQ aṭanga Positive dam record a sang hle.

Mizoramah chuan a tir aṭanga thla sarih (7) hnuah pawh ZMC chauh kan nei a, Hospital dang ruahman belhna a awm lo a, Private Hospital te pawh Private Room leh khum ruahmantir an awm hek lo. ZMC Room a tawt a, room khata mipa leh hmeichhia dah dun ngaihna bul chu hei hi a ni. Toilet, Hostel, Hospital etc Hmeichhia leh Mipa thliarhran a ni ngai e...

MLA zahawm tak, Pu BD Chakma'n a sawisel hi a tihtur dik tak a ni. ZMC hnathawktute a sawiselna pawh niin a lang lo a, sawrkar ruahmanna fel lo lai zawk hi a fuh lo lai chu a ni 

Institution Quaarantine - Home Quarantine kan sawi a. Dah khawm tur emaw dah dun tur tihna a ni lo a. Covid-19 invenna chu Test - Tracing - Isolation & Treatment tih a ni a, Isolation hian mipa leh hmeichhia dah hran dun emaw Centre-a dahkhawm a ni lo a ' Isolation - Dah hran, Lak hran ' tihna a ni.

Passport nei lo China rama Mizo Jail tangte pawhin Human Rights an neih vangin China sawrkarin a chhuah a, India mi an nih vangin India sawrkarin a rawn phur haw a. China sawrkar sual deuha ka ngaih ṭhin pawhin mihring Human Rights an dah pawimawh a, mark ka pe. Mizo sawrkar lo inbuatsaihna a fel lo ang reng a, chhe tea lo puitu ka chungah pawh "So What, Trell Me" min tihkhum nasa. A pawimawh ber chu Huminatarian Ground/ Human Rights theuh inzahtawnsak a ṭha. Law & Order kengkawhtute pawh an nem a ṭul, Medical Staff te pawhin zaidam taka mipui mangang thawpik lutuk tawhte min enkawla, min fuih chak sauh sauh kan tul. 

Delhi sawrkar chet dan, sawrkar Hospital Lok Nayak, AIIMS, Private Hospital lian Appolo, Gangaram etc. chhunga Covid lan hma leh hnua Medical Staff te chet dan inthlak hmua sawi ka ni. Hospital chhungah Mask ṭha tak vuahin lut mah ila double na tur min sem a, hmun tam takah Sanitizer phuh chi an hung a. Sawrkar Hospital ah Test Free vek a ni. Heti chung hian So What - Trell Me ? a ri leh hat ṭhin. Dr BD Chakma MLA hian a lungawi lohna a sawi hi amah demna a ni ang maw ? A phunchiarthlak, Chakma a ṭan te min ti ngawt ang e, Sap, Negro, Mizo, Bru leh Chakma thliar a, a thluk (Solfa) lo siam hun a ni lo. Sawrkarin Plan & Strategy mumal neih vat a ṭul, Lockdown chhoh bur bur lam a ni tawh lo a sin...