KA THAWHNA HLUI

Kan ram hruaitu thenkhat thiltih dan leh thusawi duhdan avanga beidawn chang leh Mizo kan nihna anga inkhawngaih chang te a awm thin — zahna awm takah te hian an zak lo leh that thin a! Sorkar hnathawk thenkhat lahin mi GP Fund lak chhuah dawn tein pawisa sen ngaiin an lo siam thul. Thawk lawk a an hming hmerh a han tarlan a, inkhawm tui lo rawka han siam an chakawm rum rum chang a awm. Mahse kan ram hruaitute zingah kum thum dawnlai sorkar tawh hnu a, ‘Cheng sawm pawh kan eiruk in hriat chuan kan bang mai ang chu,’ ti sak sak ngam, an thusawi kan rinhlelh miah loh te kan la nei a. Inthlan dawn a eiru lo tura intiam ngat, sawisep kai lo chhunzawm hi kan ram hruai mektu tam zawk hi an ni.