MIZORAM POLITICAL PARTY TE

Khawvelah hian thil inang thlap hi a awm meuh loh laiin, mi tihdan lo deuhva thil han tih leh awmdan danglam deuhva awm te hi a harsa leh duh viau lawi a. Danglam riauva inhria hi kan tam fu mai a, mi dang tih ve ngai loh taka ngaihtuah emaw, awm emaw ang mai hian ‘Kei chu...’ ‘Keini chu...’ kan ti fo mai. Kan Political Party te pawh an kal dan a inang hlawm viau — Member an awm a, President an awm a, Elected OB an awm a, Secretary, General Secretary leh Vice President te pawh an awm nual ṭhin. Party-ah thuneitu sang Committee a awm ṭhin. Hming han invuah dan leh tihdan ṭhenkhat chu danglam chin awm mah se a inzúl thluah mai.