SUNDAY SIKUL LAWMMAN

Kum tawp a lo hnai leh ta a, kum tawpin a ken tel pakhat chu keini Mizote tan chuan Sunday sikul kai kim lawmman sem a ni. Mi tam tak chuan a vawi eng emaw zah nan kai kim lawmman an dawng leh ngei ngei dawn a. An lawmpuiawm ngawt ang. Sunday sikul kai kim tur chuan dam a ngai phawt a, kai kim theia awm hrim hrim hi malsawm dawng tih hriatna a nih avangin a lawmawm a. Dam reng si kai kim lo kan tam em avangin an kai kim hi an fakawm leh phawt bawk a. Kai kim tih entirna atana ngaihhruina kan ti emaw, lawmman kan ti emaw kohhranin a’n sem te hi a lawmawm ve hranpa. Kum tluana dam ṭha, sunday sikul kai theia awm tih hriatpuina a nih avangin a lawmawm hrim hrim a ni.