Communist Party of India (CPI) te chuan Manipur chief minister N Biren Singh chu bang turin an phut a, state chhunga buaina thleng mek vanga ngaihdam a dilna chu pawm tlak loh a ni, an ti bawk.

State chhunga buaina chhuak mek chu sorkar tlukchhiatna a ni tiin state sorkar chu buaina chinfel a tum danah pawh nasa takin an dem.

CPI chuan sorkar chu dan leh thupek kenkawh, mipui venhim leh rorelna dik zawk a kenkawh loh vangin mi 250 chuangin nunna an chan bakah mi sang chuangin an chenna in an chhuahsan thu an sawi bawk. Chief Minister thupha chawina chu state sorkarin Manipur mipuite a venhim zawh lohna ti lang chiangtu a nih thu an sawi bawk.

Hei bakah hian CPI chuan sorkarin hnam inkara buaina awmze nei taka chinfel a tum loh vangin mipuiah rilru natna a thlen thu an sawi bawk a ni.

State sorkar chu political party dang buaina chinfel pui tura an biak rawn loh vang pawhin an dem thu an sawi.

Hengte avang hian Chief Minister chu banna thehlut turin an phut a, buaina chingfel thei tur mi thar an mamawh thu an tarlang.