Allahabad High Court Bar Association chuan eiruknaa inhnamhnawihna nei nia rinhlelh, Delhi High Court judge, justice Yashwant Varma sawn a nih avanga lungawi loin, Thawhlehni atang khan tiam chin awm loin nawrh an huaihawt.
Lawyer-te hi high court gate number 3-ah an pungkhawm a, Bar association president Anil Tiwari chuan,"He lungawi lohna lantirna hi cout leh judge te lakah ni loin dan leh thupek phatsanna thlen tirtute lakah zawk a ni" a ti. An hmalakma hi hlemhletna thlenga in hnamhnawihte lakah roelna dik kalpui lo leh, langtlang taka in relbawlna kal pui a nh loh vang zawk a nih thu a sawi.
Bar association hian Thawhṭannia justice Varma sawn a nih thu an hriat khan dodal nghalin, an duh lohna lantirna atan nimin aṭang khan nawrh hi an huaihawt a ni. Justice Varma sawnna tur thu hi Chief Justice of India Sanjiv Khanna kaihhruai collegium thutlukna siam a ni a, hei hi association chuan theihtawpa beih let a tum thu Tiwari chuan a tarlang.
March 14 khan justice Varma chenna in Lutyens, Delhi-a kangmei ichhuak vanga kangṭhelh tum an in chhung lutten an storeroom-ah pawisa fai thahnem tak an hmuchhuak a nii. He thil thleng vang hian Varma chu hlemhletnaah in hnamhnawihna nei anga ngaih niin Supreme court collegium chuan Allahabad High Court-ah an sawm rih bakah, dan leh thupek kenkawhnaah in hnamhnawih chhunzawm a remti lo zui bawk.
A ina pawisa hmuh chhuah chungchangah hian Justice Varma chuan amah leh a chhungte dah a nih loh thu sawiin, tu tih hriat lohin amah tih mualpho tumna vanga an tih a nih a rin thu a sawi. Justice Varma hi August 8, 1992 khan advocate ah in ziak lutin, Allahabad High Court-ah additional judge atan 2014 khan ruat a ni.
