Mizo Zaimi Inzawmkhawm (MZI) chuan Zirtawpni liam ta zanah khan MZI Rimawi Award Dawrpui Multipurpose Hall-ah an sem a, hemi zanah hian tunlaia Gospel singer lar ber pawl Zorema Khiangte chuan Best new artist Gospel award a dawng. Hei bakah hian Lalduhsaki nen thiam taka an sak 'I hlu a ni' vangin Best Dou/Group award a dawng bawk.
Youth Icon star Zoramchhani chuan award pahnih a dawng bawk a, Best Singer Female (Gospel) award a dawn bakah a band Zoramchhani Band chu Band of the year award dawngtu an ni bawk a ni.
Award sem inkhawm Zirtawpni zana neihah chuan MZI artist tam tak an inlan a, performance mit leh beng titlai tak tak hmuh tur awmin, award category 17 zetah an sem a, Zorema Khiangte leh Zoramchani chiah hian award pahnih an hum haw thei.
Award dawngtu langsar zualte chu
Jonathan Lianhna chu Best Singer Male (Gospel) award dawngtu a ni a, Francis-a kutah Best Singer Male (Lengzem) award hlan niin Best Singer Female (Lengzem) chu Sangtei Khuptong a ni thung.
Song of the year (Gospel) chu Israela Pachuau 'Eliza hun ropui' a ni a, Bzi Chhangte 'Ka tana chuai lo kha' chu Song of the year (Lengzem)-ah thlan a ni bawk.
Best New Artist Lengzem chu Mazuali K a ni a, TBC Zaithanpuia chuan Best Song Composer award dawngin tunlai ṭhalaite lawm Youngfella, Mendal & D.Dawg-te chuan Best Rap Performance award an dawng ve thung a ni. Vanlalsailova chu Artist of the decade-ah puan a ni bawk.
MZI hian Ningani liam ta khan Saitual-ah headquarters thar an hawng bawk a, kuminah hian an pawl hian kum 41 a tling chiah bawk a ni. Mizoram chhunga district tinah headquarters an nei vek a, branch pawh 100 chuang an nei tawh a ni.
MZI RimawAward 2021
1. Best Singer Male (Gospel)
- Jonathan Lianhna
2. Best Singer Female (Gospel)
- Zoramchhani
3. Best Singer Male (Lengzem)
- Francis
4. Best Singer Female (Lengzem)
- Sangtei Khuptong
5. Artist of the decade
- Vanlalsailova
6. Song of the year (Gospel)
- Eliza hun ropui - Israela Pachuau
7. Song of the year (Lengzem)
- Ka tana chuai lo kha - Bzi Chhangte
8. Best New Artist Gospel
- Zorema Khiangte
9. Best New Artist Lengzem
- Mazuali K
10. Best Song Composer
- Tbc Zaithanpuia
11. Best Music Video Gospel
- 'Lungawina Famkim' Lallawmawma
12. Best Music Video Lengzem
-'Khuangchawi thla' K.Lalthlamuankimi
13. Best Dou/Group
- I hlu a ni ( Zorema Khiangte & Lalduhsaki)
14. Best Traditional/Lenglawng Singer
- Lalenkawli Pautu
15. Best Rap Performance
- Youngfella, Mendal & D.Dawg (Zing dar 6)
16. Band of the year
- Zoramchhani Band
17. Artist of the non-native song
- Esther Hnamte
