GIG Motors Ṭhazual Gospel-a hun eng emaw ti aṭanga chart luah lumtu, JH Peka chuan a gospel hla phuah hmasak ber leh video a siam hmasak ber, 'Isua hnung kan zui' tih hmangin chart a rawn thunun. He hla hi hla tho ṭha tak, Kristian nunkawng dik tak kan zawh theih dan lam hawi niin, Krista hnungzuitu kan nih inhriat thar tir lehna lam pawh a kawk thei ang. Ngaihthlak a nuam in a hla thu a mawi hle bawk.
