National Highways Authority of India (NHAI) chuan Guwahati khawpui hmar lam kaltlangin km 121-a thui, Guwahati Ring Road project thawhna tur inremna, concession agreement chu Dineshchandra R Agrawal Infracon Private Ltd a ziahpui.

He project hi the Build-Operate-Toll (BOT) model hnuaiah thawh a ni dawn a, concession agreement an ziah hi Rs vbc 5,729 a ni.

Ministry of Road Transport and Highways chuan Ningani khan thuchhuah siamin, inremna an ziah hi kum 30 daih tur a ni. Inremna thuthlung hi NHAI board member (finance) Rajesh H.Mankad-a'n ziakin he hunah hian NHAI chairman Santosh Kumar Yadav leh senior official-te an tel bawk.

Project pumpui thawhna atana senso hi Rs vbc 7000 chuang a ni dawn a, Assam sorkarin Rs vbc 1270 a tum dawn a, hei hian ram leina 50% vel a huam thei dawn a ni.

He project-in a huam turte hi Nothern Guwahati Bypass four-lane-a km 56-a thui siam, NH-25 a km 8-a thui chu four lane aṭanga six lane-a zauh NH-27 bypass kmm 58-a thui chei ṭhat leh Brahmaputra lui chungah km 3-a sei lei dawhte a tel.

Guwahati Ring Road hian hmarchhak bial luhna, NH-27 East-West Corridor-a lirthei tlante chu mumal taka inkalpawhna a siamsak dawn a ni. Ring Road siam a nih hian Guwahati leh a chhehvel hmarchhak state-te chu West Bengal/Bihar aṭanga Silchar, Nagaland, leh Tripura awlsam takin an pan thei tawh dawn a ni. He project hian helai biala khawpui lian tak tak, Siliguri, Silchar, Shillong, Jorhat, Tezpur, Jogigopha, leh Barpeta te pawh inkalpawhna ṭha zawk a pe dawn bawk a ni.