Fbb Femina Miss India thlanna kal mekah sub contest hrang hrang result puan a ni a, ‘Vai hmelṭha an hmelṭha bik’ kan tih ṭhin zingah Mizo nula, Rody H. Vanlalhriatpuii a te ber tawp lo. Keinin Subtitle kan tih ṭhin pahnih a la thei!
Fbb Femina Miss India Mizoram Rody-i chu India ram state hrang hranga nula ṭha thlan chhuahte inelna, sub contest-ah title pahnih a la. Rody hian Jio Miss Popular leh INIFD Miss Talented te a la a, Miss Talented hi Simran Choudhary nen an la dun.
India ram state 30 ten an nula chhe lo, pian nalh leh fingte an rawn thawh khawm a, chung zingah chuan Mizo nula Rody hi a neu lo ber zinga mi a ni. Heng nula 10 zingah hian mipui vote a hmu hnem ber a, chuvang chuan Jio Miss Popular a la thei. Hei bakah a talent a ṭha a, Miss Mizoram thlan a nih lai aṭanga talent nei ṭha Rody hi nula dangte lakah pawh talent a nei ṭha zel a, INIFD Miss Talented a dawng bawk.
Sub Contest-ah title pakhat aia tam dawng thei an tam lo. Maharastra nula, Aishwarya Devan chu title la hnem ber a ni a, Miss Spectacular Eyes, Miss Lifestyle, Miss Beautiful Smile leh Miss Rising Star te a la. Pakhat aia tam title la dangte chu Rajasthan nula, Aditi Hundia, Rajasthan (Miss Fashion Icon leh Miss Getaway Goddess), Priyanka Kumari, Bihar (Miss Rampwalk leh Miss Goodness Ambassador), leh Rody te an ni.
Rody hian talent intihsiakah hian Miley Cyrus hla ‘The Climb’ kha a sa a, kha kha title a lakpui ta a ni. Miss Sub Contest result puan zan pawh hian he hla tho hi, aman guitar perhin a sa leh a, entuten an ngaihlu hle.
Subcontest Winner
Miss National Costume
: Licha Thosum, Arunachal Pradesh
Fbb Miss Fashion Icon
: Aditi Hundia, Rajasthan
Kara Miss Vivacious
: Audrey D’Silva, Goa
Rajnigandha Pearls
Miss Goodness Ambassador
: Priyanka Kumari, Bihar
Jio Miss Popular
: Rody H Vanlalhriatpuii
Bata Miss Rampwalk
: Priyanka Kumari, Bihar
Triumph Miss Body Beautiful
: Vamika Nidhi, Jharkhand
Dr Tvacha Miss
Refreshing Beauty
: Anukriti Gusain, Uttarkhand
Stars Cosmetics Best Makeover
: Sana Dua, Jammu & Kashmir
Olivia Bleach Miss Glowing Skin : Triveni Barman, Assam
Reliance Digital Miss Tech Diva
: Shefali Sood, Uttar Pradesh
Kodak Lens Miss
Spectacular Eyes
: Aishwarya Devan, Maharastra
Prayag Miss Lifestyle
: Aishwarya Deva, Maharastra
Chisel Miss Active
: Vinali Bhatnaga, Chhatisgarh
Cox & Kings Miss Getaway
Goddess
: Aditi Hundia, Rajasthan
Sahara Star Miss Congeniality
: Rinky Chakma, Tripura
Miss Beautiful Smile
: Aishwarya Devan, Maharastra
Miss Photogenic
: Manushi Chhillar, Haryana
Miss Rising Star
: Aishwarya Devan, Maharastra
INIFD Miss Talented
: Simran Choudhary, Telangana leh Rody H Vanlalhriatpuii
