Khawvela chart ngaihhlut ber tiha sawi theih, Billboard chart thununtu chu tu dang ni loin Morgan Wallen bawk a ni.
Wallen hian Hot 100 leh 200 chart a thunun ve ve a, album chart-ah phei chuan kum 2021-a a tihchhuah "Dangerous: The Double Album" chuan equivalent unit 49,000 hmuchhuakin top 5-ah a rawn lang thar a, "One Thing at a Time" chuan a zawnin kar sarih chhung ro a rel chhunzawm bawk nen, top 5 zinga album pahnih chu Wallen-a album te hi niin, hetiang anga dinhmun sang thleng thei awmchhun chu Taylor Swift ("Folklore" leh "1989") chauh kha a a ni.
Hot 100 chart lam thlir ang
Morgan Wallen lead single hit tak "Last night" chuan a dinhmun ngai rawn chelh lehin, tlangzarh a nih hmaa Kim Kardashian aw(voice) a zehtel avanga thawm ngah tak Drake "Search & Rescue" chu pahnihnaah a rawn inhlangkai thung. Kumina hla lar ber pawl "Flowers"-in chuai lam a la pan tak tak thei lo a; Billboard Women of the Year atana thlan SZA chu palinaah langin; Hip Hop & R&B artist ṭha rual - Metro Boomin, The Weeknd leh 21 Savage thawhhona "Cr eepin" chuan top 5 a khar.
Wallen = Taylor Swift
Taylor Swift chuan Folklore leh 1989 album chu 200 album top 10 chart-ah a lo lanpui ve ve tawh a, he record duhawm tak hi tluk thei an awm lo mai ang a tiha kan inzawh laiin Morgan Wallen chuan Swift mellung hi a rawn chhunzawm ve leh ta a ni. "One Thing at a Time" hian equivalent unit 1,66,000 hmuchhuakin, a zawnin kar sarih chhung chu pakhatna a ni tawh.
'72 Seasons' nen Metallica an lo kir
American heavy metal band, kum 1981 daih tawha din Metallica chuan album thar '72 Seasons' tlangzarhin, equivalent unit 1,46,000 a hmu chhuak. Metallica hian Morgan Wallen-a vanglai tak lo nang lo se chu pakhatna ni thei khawpin album hi an hmu chhuak ṭha a ni. Rock & Roll Hall of Fame band hian Top 10 album 12 an neihna chiah a nih bakah, Tool "Fear Inoculum" hnuaia rock emaw hard rock emaw zinga album hlawhtling ber nihna a rawn chelh chhunzawm leh ta cheu a ni.
