Music Domain Mizoram (MDM) chuan Zirtawpni liam ta khan Dawrpui Multipurpose Centre-ah assembly vawi sarihna an nei a, hruaitu thlanna an nei nghal a, zan lamah YouTube million views award leh MDM Award-te semna hun an hmang bawk.
President R Lalbiaksanga kaihhruaina hnuaiah rorelna an nei a, hengah hian MDM hmalam hun tur pawimawh tak tak an rel. Zaitham/Rimawi lama tui, tupawh, Mizoram Rimawi lama hmasawnna ngaihtuah te fee pein life member leh member an nih theih thu te, producer leh Zaipawlte'n MDM library zalen taka an hman theihna turte leh zaithiamte'n hlawk zawka sum an hmuh theihna tur bakah district hrang hrang headquarters dinte an rel.
Zan lamah hun hman chhunzawmin K Lalthanzama, Chairman, Joseph Construction chu khuallian niin Mizo zaithiamte'n kawng hrang hranga hmasawn zawnga ke an pen chu ṭha a tih thu a sawi. Mizoram State e-Governance Society (MSeGS) ICT Department aṭangin Isaac Zothanpuia chuan thu sawi bawkin zaithiamte tan media lama hmasawn angaih thu leh hlawhtlinna kawng inhawn theih dan turah Awareness aneihpui bawk a ni.
YouTube million views award leh MDM Award semna hun an hman bakah Shirui Lily Festival a Rock Contest ‘ShiRock 2022,’ Bakshi Ground, Ukhrul, Manipur a neih a lawmman pakhatna dawngtu The Prophets band chawimawina hun an hmang bawk.
MDM library a music video register 121 aṭangin Artist 55-te'n million views an nei thei a. MDM hruaitute an lawm hle.
Kum 2022-23 MDM OB thar tur thlan chhuahte:-
President : R. Lalbiaksanga
Vice. President : C. Vanlalmalsawma
G.en Secretary : K. Lalremruata
Asst Secretary : JH Lallungmuana
Fin.Secretary : Lalnunkenga Chuaungo
Treasurer : Zonunmawi
MDM Award dawngtute:-
1 Male Artist of the year (Gospel) - Sawmtea Chhangte
2 Female Artist of the year (Gospel) - Maruati
3 Best new Artist (Gospel) - Angaihtei Hnialum
4 Best Male Artist of the year (Lengzem/Lenglawng) - Manuna Chuaungo
5 Best Female Artist of the year (Lengzem/Lenglawng) - Jaui
6 Best new Artist (Lengzem/Lenglawng) - Latei Hringngen
7 Best Group/Duo of the year (Gospel) - One in Christ
8 Best Group/Duo of the year (Lengzem/Lenglawng) - Keimah Senes & Tlangval Tlumtea
9 MDM Zaipawl of the year - Sub Headquarters YMA Zaipawl, Lunglei
10 Folk singer of the year - Mabiaki Pachuau
11 Band of the year - The Prophets
12 Song writer of the year - Peka Fanai
13 Leikapui singer of the year (Male) - Kimkima
14 Leikapui singer of the year (Female) - Sangkimi Khiangte
15 R&B singer of the year (Gospel) - Hmingtea Chhangte
16 R&B singer of the year (Lengzem/Lenglawng) - Rebbecca Lallawmsangi
17 Best Music Video (Gospel) - C.Lalremruata ( Sulam Lenmawi )
18 Best Music Video (Lengzem) - Feli Fanai (Chhing mittui a hul zo ta)
