Royal Mail chuan khawvela pop hlawhtling ber zinga mi, British girl group Spice Girls din champha kum 30-na pualin postage stamp set 15 a tichhuak.
Emma Bunton, Victoria Beckham, Gerri Halliwell-Horner, Melanie Chisholm leh Melanie Brown-te hian kum 1994 khan an group hi an din a ni. Baby, Posh, Ginger, Sport leh Scary Spice tia hriat lar an ni. Spice Girls member chuan an puala stamp siam chu an beisei phak ngai lo a nih thu sawiin, an lawm hle.
Main stamp 10-ah hian 1997 - 2012 inkara an perform-na thlalak chuantir a ni a, heng zingah hian 1997-a Brit Awards leh London 2012 Olympic Games closing ceremony-a an perform-na pawh a tel. Hei bakah stamp dang panga, miniature sheet-ah Spice World photoshoot an neihnaah band member mal tinte thlalak chuantir a ni bawk.
Kum 1996-a debut single,'Wannabe' an tihchhuah aṭangin khawvelin Spice Girls hi an buaipui chho ṭan a ni. UK number one hit hi pakua neiin, heng zingah hian Say You'll Be There, 2 Become 1, Who Do You Think You Are, Spice Up Your Life leh Viva Forever-te an tel a ni.
Spice Girls hi music group zingah British stamp-a lang thei parukna an ni a, 2007 khan The Beatles, 2016-ah Pink Floyd, 2020-ah Queen, 2022-ah The Rolling Stones leh 2023-ah Iron Maiden-te an lo lang tawh bawk. Stamps hi January 11 aṭangin hralh chhuah a ni ang.
