Facebook chuan independent writer leh journalist-te thuam chak a, an hna thawh hmanga sum an hmuh chhuah theihna tur platform a siam dawn tih a sawi.
Platform thar an siamah hian writer-te hian anmahni in an thuziakte publish-in, subscription an siam ang a, monetization tool kaltlangin an content dah hmang hian sum an siam thei dawn a ni. Facebook hian platform thar hi US-ah tihchhuah hmasak phawt a tum.
He platform tharah hian free, self-publishing chu 'robust styling options' nen dah a ni dawn a, hei hi individual website leh email newsletter siam theihna tur a ni. Hei hi Facebook Pages nena kalkawpin multimedia format hrang hrang - thlalak, live video leh story-te publish theih a ni dawn bawk. Writer leh journalist-te chuan Facebook Group siamin, an content-te performance pawh hi an en thei dawn bawk a ni.
Facebook chuan independent writer/journalist-te puala platform a siam rual hian, audience-ten content thar leh writer-te an hmuh zung zung theihna tur feature siam a tum tih a sawi bawk. Kum 2018 aṭang khan journalism lam puihna tur hian USD mtd 600 a invest tawh a, kum thum dang lo awm tur atan USD tld 1 invest a tum leh bawk tih Facebook chuan a tarlang.
